Music Shop Murthy: ‘అంగ్రేజీ బీట్’తో వచ్చిన అజయ్ ఘోష్.. ఇది వేరే లెవల్ అంతే!

ప్రస్తుతం ప్రేక్షకులు కంటెంట్ ప్రధానంగా తెరకెక్కుతోన్న చిత్రాలకు పట్టం కడుతున్నారు. ఇంకా చెప్పాలంటే.. ఓటీటీలు హవా మొదలైనప్పటి నుండి కొత్త కంటెంట్‌కే ప్రేక్షకులు ప్రాధాన్యతను ఇస్తున్నారు. అలా ఓ కంటెంట్ బేస్డ్ మూవీనే ఇప్పుడు రాబోతుందని అంటున్నారు.. ఫ్లై హై సినిమాస్ నిర్మాతలు. ఈ బ్యానర్‌పై అజయ్ ఘోష్ (Ajay Ghosh), చాందినీ చౌదరి (Chandini Chowdary)లు ప్రధాన పాత్రల్లో నటిస్తోన్న చిత్రం ‘మ్యూజిక్ షాప్ మూర్తి’ (Music Shop Murthy).

*Manam: ‘మనం’కు పదేళ్ళు పూర్తి.. మే 23న మరొక్కసారి!

శివ పాలడుగు (Siva Paladugu) ఈ చిత్రానికి రచన, దర్శకత్వం వహించగా.. హర్ష గారపాటి, రంగారావు గారపాటి నిర్మించారు. ఈ మూవీకి సంబంధించి ఇప్పటి వరకు విడుదలైన ప్రమోషనల్ కంటెంట్ మంచి స్పందనను రాబట్టుకున్న విషయం తెలిసిందే. త్వరలోనే ఈ చిత్రం ప్రేక్షకుల ముందుకు రానుంది. ఈ క్రమంలో ఈ చిత్రం నుంచి ‘అంగ్రేజీ బీట్’ అంటూ అదిరిపోయే బీటున్న లిరికల్ సాంగ్‌ (Angrezi Beat Lyrical Song)ని మేకర్స్ విడుదల చేశారు.

‘అంగ్రేజీ బీట్’ (Angrezi Beat) అంటూ సాగే ఈ పాటను రాహుల్ సిప్లిగంజ్ ఆలపించారు. ఇక ఈ లిరికల్ వీడియోలో డీజే మూర్తిగా అజయ్ ఘోష్ ఆహార్యం, వేసిన స్టెప్పులు, కనిపించిన తీరు అందరినీ ఆకట్టుకోవడమే కాదు.. వేరే లెవల్ అంతే. పవన్ లిరిక్స్, బాణీలు ఈ పాటను ప్రత్యేకంగా మార్చేశాయి. మాంచి హుషారైన బీటుతో వచ్చిన ఈ పాట అందరినీ ఆకట్టుకుంటోంది. ప్రస్తుతం ఈ సినిమాకు సంబంధించి పోస్ట్ ప్రొడక్షన్ కార్యక్రమాలు జరుగుతున్నాయని.. వచ్చే నెలలోనే ఈ చిత్రాన్ని విడుదల చేయనున్నామని ఈ సందర్భంగా మేకర్స్ తెలిపారు. ఆమని, అమిత్ శర్మ, భాను చందర్, దయానంద్ రెడ్డి తదితరులు ఇతర పాత్రలలో నటిస్తున్న ఈ చిత్రం కచ్చితంగా ప్రేక్షకులను అమితంగా ఎంటర్‌టైన్ చేసే చిత్రంగా బాక్సాఫీస్ వద్ద సంచలనాలను క్రియేట్ చేస్తుందని మేకర్స్ భావిస్తున్నారు. (Angrezi Beat Lyrical Song Released From Music Shop Murthy)

Read Latest Cinema News