కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Klin Kaara: 3 నెల‌ల పాటు అమ్మ‌మ్మగారి ఇంట్లో ఉండి వచ్చిన ‘క్లీంకార’కు మెగా ఫ్యామిలీ ఘన స్వాగతం

ABN, First Publish Date - 2023-09-18T19:08:43+05:30

మూడు నెల‌ల పాటు అమ్మ‌మ్మగారి ఇంట్లో ఉన్న మెగా ప్రిన్సెస్ క్లీంకార.. ఇప్పుడు కొణిదెల వారింటిలోకి అడుగు పెట్టింది. క్లీంకారతో కలిసి ఈ ఏడాది కొణిదెల ఫ్యామిలీ గ‌ణేష్ చతుర్థి వేడుక‌ల‌ను ఎంతో ఘ‌నంగా సెల‌బ్రేట్ చేసుకుంది. ఈ ఫొటోల‌ను రామ్ చ‌ర‌ణ్‌, ఉపాస‌న‌లు సోష‌ల్ మీడియాలో షేర్ చేశారు.

Mega Family

గ్లోబ‌ల్‌స్టార్ రామ్ చ‌ర‌ణ్ (Global Star Ram Charan) అయ్య‌ప్ప‌మాల వేసుకుని క‌నిపిస్తున్నారు. మ‌రో వైపు ఉపాసన సంప్ర‌దాయంగా చీర‌క‌ట్టుతో ఉన్నారు. వీరిద్ద‌రికీ ఈ ఏడాది మ‌ర‌పురానిదిగా మారింద‌నే చెప్పాలి. ఎందుకంటే వారి జీవితాల్లోకి క్లీంకార అడుగు పెట్టింది. మూడు నెల‌ల పాటు అమ్మ‌మ్మగారి ఇంట్లో ఉన్న ఈ మెగా ప్రిన్సెస్ ఇప్పుడు కొణిదెల వారింటిలోకి అడుగు పెట్టింది. ఈ ఏడాది కొణిదెల ఫ్యామిలీ గ‌ణేష్ చతుర్థి వేడుక‌ల‌ను (Ganesh Chaturthi Celebrations) ఎంతో ఘ‌నంగా సెల‌బ్రేట్ చేసుకుంది. ఈ ఫొటోల‌ను రామ్ చ‌ర‌ణ్‌, ఉపాస‌న‌లు (Ram Charan and Upasana) సోష‌ల్ మీడియాలో షేర్ చేశారు. ఆ వీడియో గ్లింప్స్ అంద‌రిలోనూ సంతోషాల‌ను నింపింది. క్లీంకారతో జ‌రుపుకున్న ఈ గ‌ణేష్ వేడుక‌లు.. వాటికి సంబంధించిన ఫొటోలు ప్రస్తుతం నెట్టింట వైర‌ల్ అవుతున్నాయి.

ఉపాస‌న త‌ల్లిదండ్రులు శోభ‌న‌, అనీల్ కామినేనిల‌తో మూడు నెల‌ల పాటు అమ్మ‌మ్మగారి ఇంట్లోనే ఉన్న క్లీంకార ఇప్పుడు కొణిదెల‌ వారింట అడుగు పెట్టింది. త‌మ ఇంట్లోకి తొలిసారి అడుగు పెట్టిన చిన్నారికి రామ్‌చ‌ర‌ణ్‌, గ్రాండ్ పేరెంట్స్ చిరంజీవి కొణిదెల‌, సురేఖ (Chiranjeevi and Surekha) ఘన స్వాగతం ప‌లికారు. చిన్న‌జీయ‌ర్ స్వామి వారి ఆశ్ర‌మంలో వేదాల‌ను అధ్య‌యనం చేస్తోన్న పండితులు, ఆ గ‌ణనాథుని వేద మంత్రాల‌తో స్తుతిస్తుండ‌గా క్లీంకార ఇంట్లోకి అడుగు పెట్ట‌టం వారంద‌రికీ ఎంతో ప్ర‌త్యేకంగా నిలిచింది. ఓ వైపు గ‌ణేష్ చతుర్థి, మ‌రో వైపు క్లీంకార ఇంట్లోకి అడుగు పెట్ట‌టం అనేది కుటుంబ స‌భ్యుల‌కు ఎంతో ఆనందాన్ని ఇచ్చింది. వారెంత ఆనందంగా ఉన్నార‌నే విష‌యం ఫొటోల్లో స్ప‌ష్టంగా తెలుస్తోంది. మ‌ట్టి వినాయ‌కుడిని ఇంట్లో ప్ర‌తిష్టించి దానికి సంబంధించిన స్టేజ్‌ను ఎంతో అందంగా అలంకరించారు. ఈ పండుగ‌ను ఎంత అంకిత భావంతో నిర్వ‌హించారనే విష‌యం గ‌ణేష్ వేడుక‌ల‌కు చేసిన అలంక‌ర‌ణ చూస్తే అర్థ‌మవుతుంది.

ఇక ఈ సెలబ్రేషన్స్‌లో రామ్ చ‌ర‌ణ్ ఎంతో ప్ర‌త్యేకంగా క‌నిపించారు. సాధార‌ణంగా ముఖ్య‌మైన సంద‌ర్భాల్లో చ‌ర‌ణ్ అయ్య‌ప్ప మాల వేసుకుని క‌నిపిస్తుంటారు. RRR రిలీజ్ ముందు, ఆస్కార్ నామినేష‌న్స్ ముందు ఆయ‌న అయ్య‌ప్ప‌మాల‌ను ధ‌రించి క‌నిపించిన సంగ‌తి తెలిసిందే. మ‌రోసారి ఆయ‌న మాల‌తో క‌నిపించారు. ఈ ఏడాది తండ్రిగా మారిన ఆయ‌న‌కు ఇదెంతో ప్ర‌త్యేకమైన‌ద‌నే చెప్పాలి. క్లీంకార పుట్టిన త‌ర్వాత కొణిదెల ఫ్యామిలీ జ‌రుపుకుంటున్న‌ తొలి వినాయ‌క చ‌తుర్థి వేడుక‌లు ఇవే. చ‌ర‌ణ్ ప‌క్క‌నే క్లీంకార‌ను ప‌ట్టుకుని ఉపాస‌న కూర్చున్న ఫొటో ఎంతో ప్ర‌త్యేక‌త‌ను క‌న‌ప‌రుస్తుంది. అలాగే ఈ ఫొటోల‌ను త‌మ సోష‌ల్ మీడియా మాధ్యమాల్లో పోస్ట్ చేసిన రామ్ చ‌ర‌ణ్‌, ఉపాస‌న.. ‘‘అంద‌రికీ హ్యాపీ వినాయ‌క చ‌వితి. ప్ర‌తి ఒక్కరి జీవితాల్లో విఘ్నేశ్వ‌రుడి ఆశీర్వాదాల‌తో స‌మ‌స్య‌ల‌న్నీ తొల‌గిపోవాల‌ని, శుభాలు ఎదురు కావాల‌ని కోరుకుంటున్నాం. ఇదెంతో ప్ర‌త్యేకం. ఎందుకంటే క్లీంకార‌తో క‌లిసి తొలి గ‌ణేష్ చ‌తుర్థి వేడుక‌ల‌ను జ‌రుపుకున్నాం’’ అని తెలిపారు. రామ్ చరణ్ కుటుంబ సభ్యులందరితో కలిసి గణేష్ వేడుకలను ఘనంగా సెలబ్రేట్ చేసుకోవటం గమనిస్తే.. సంప్రదాయాలను ఆయనెలా గౌరవిస్తారనేది అర్థమవుతుంది. అలాగే ముఖ్యమైన సందర్భాల్లో తన కుటుంబ సభ్యులతో కలిసి మరపురాని క్ష‌ణాల‌ను ఉండేలా చూసుకుంటార‌నే సంగ‌తిని కూడా తెలియజేస్తుంది.