Udhayanidhi Stalin: నా కెరీర్‌లోనే అత్యధిక కలెక్షన్స్ రాబట్టిన చిత్రమిది

ABN , First Publish Date - 2023-07-10T21:50:46+05:30 IST

ఇప్పటివరకు తాను నటించిన చిత్రాల్లోనే అత్యధిక గ్రాస్‌ వసూళ్లు సాధించిన చిత్రం ‘మామన్నన్‌’ అని ఆ చిత్ర హీరో, నిర్మాత ఉదయనిధి తెలిపారు. ఇప్పటివరకు ఈ చిత్రం మొత్తంగా రూ.52 కోట్ల మేరకు గ్రాస్‌ వసూళ్లు సాధించినట్టు ప్రకటించారు. మారి సెల్వరాజ్‌ దర్శకత్వంలో తెరకెక్కిన ఈ సినిమాలో ఉదయనిధి - కీర్తి సురేష్‌ జంటగా నటించగా.. హాస్య నటుడు వడివేలు ప్రధాన పాత్రను పోషించారు.

Udhayanidhi Stalin: నా కెరీర్‌లోనే అత్యధిక కలెక్షన్స్ రాబట్టిన చిత్రమిది

Maamannan Movie Success Meet

ఇప్పటివరకు తాను నటించిన చిత్రాల్లోనే అత్యధిక గ్రాస్‌ వసూళ్లు సాధించిన చిత్రం ‘మామన్నన్‌’ (Maamannan) అని ఆ చిత్ర హీరో, నిర్మాత ఉదయనిధి స్టాలిన్ (Udhayanidhi Stalin) తెలిపారు. ఇప్పటివరకు మొత్తం రూ.52 కోట్ల మేరకు గ్రాస్‌ వసూళ్లు సాధించినట్టు ప్రకటించారు. మారి సెల్వరాజ్‌ (Mari Selvaraj) దర్శకత్వంలో ఉదయనిధి - కీర్తి సురేష్‌ (Keerthi Suresh) జంటగా, హాస్య నటుడు వడివేలు (Vadivelu) ప్రధాన పాత్రను పోషించిన ‘మామన్నన్‌’ చిత్రం గత నెల 29న విడుదలైంది. రెడ్‌ జెయింట్‌ మూవీస్‌ బ్యానర్‌పై నిర్మించిన ఈ చిత్రానికి ఏ.ఆర్‌.రెహ్మాన్‌ సంగీతం అందించారు. ఈ మూవీ సాధించిన కలెక్షన్స్‌తో హ్యాపీగా ఉన్న చిత్రయూనిట్.. తాజాగా సక్సెస్‌మీట్‌ను నిర్వహించింది.

ఈ కార్యక్రమంలో హీరో ఉదయనిధి మాట్లాడుతూ... తమిళనాడు, కేరళ, ఓవర్సీస్‌తో కలుపుకుని మొత్తం రూ.52 కోట్ల గ్రాస్‌ వసూళ్లను ‘మామన్నన్’ రాబట్టింది. నా కెరీర్‌లో ఈ వసూళ్ళే అత్యధికం. త్వరలోనే తెలుగులో ‘నాయకుడు’ పేరుతో రిలీజ్‌ చేస్తున్నాం. అక్కడ కూడా విజయం సాధిస్తుందని భావిస్తున్నాం. మారి సెల్వరాజ్‌ అసిస్టెంట్స్‌కు ధన్యవాదాలు. ఈ సినిమాకు ప్రతి ఒక్కరూ ప్రాణం పెట్టి పనిచేశారు. అందరికీ ధన్యవాదాలు అని తెలిపారు. (Maamannan Movie Success Meet)

హాస్యనటుడు వడివేలు మాట్లాడుతూ.. నేను నవ్వకుండా నటించిన ఏకైక చిత్రం ‘మామన్నన్‌’. ఈ చిత్రానికి నిజమైన మామన్నన్‌ మారి సెల్వరాజ్‌. ఇలాంటి స్టోరీలో నటించేందుకు ముందుకు వచ్చిన ఉదయనిధికి హ్యాట్సాఫ్‌. సినిమా ఆదరించి బ్రహ్మాండమైన సక్సెస్ చేసిన ప్రేక్షకులు ధన్యవాదాలు చెప్పుకుంటున్నానని అన్నారు. ఇంకా హీరోయిన్‌ కీర్తి సురేష్‌, దర్శకుడు మారి సెల్వరాజ్‌ తదితరులు ప్రసంగించారు.