Suhas: సుహాస్ ‘మ్యారేజి బ్యాండు’‌కు రిలీజ్ డేట్ ఫిక్స్

సుహాస్ (Suhas) హీరోగా నటిస్తున్న తాజా చిత్రం ‘అంబాజీపేట మ్యారేజి బ్యాండు’ (Ambajipeta Marriage Band)కు రిలీజ్ డేట్ ఫిక్సయింది. ఈ సినిమాలో మ్యారేజ్ బ్యాండ్ లీడర్ మల్లి క్యారెక్టర్‌లో సుహాస్ కనిపించనున్నారు. ‘అంబాజీపేట మ్యారేజి బ్యాండు’ చిత్రాన్ని జీఏ2 పిక్చర్స్, దర్శకుడు వెంకటేష్ మహా బ్యానర్ మహాయన మోషన్ పిక్చర్స్, ధీరజ్ మొగిలినేని ఎంటర్‌టైన్‌మెంట్ బ్యానర్స్ సంయుక్తంగా నిర్మిస్తున్నాయి. ఈ సినిమా దుశ్యంత్ కటికినేని దర్శకత్వంలో తెరకెక్కుతోంది. కామెడీ డ్రామా నేపథ్యంలో రూపుదిద్దుకుంటోన్న ఈ ‘అంబాజీపేట మ్యారేజి బ్యాండు’ సినిమా విడుదల తేదీని తాజాగా మేకర్స్ అనౌన్స్ చేశారు.

ఈ సినిమాను ఫిబ్రవరి 2న (Ambajipeta Marriage Band Release Date) గ్రాండ్‌గా థియేటర్స్ ద్వారా ప్రేక్షకుల ముందుకు తీసుకొస్తున్నట్లు తెలుపుతూ ఓ ఆసక్తికరమైన పిక్‌ని మేకర్స్ వదిలారు. ఈ పిక్‌లో గుండుతో ఉన్న సుహాస్.. అద్ధం ముందు నిలబడినట్లుగా చూపించారు. అయితే అద్దంలో మాత్రం జుట్టుతో ఉన్నట్లుగా కనిపిస్తుండటం చూస్తుంటే.. ఇదే సినిమాకు కీ పాయింట్ అనేది అర్థమవుతోంది. వైవిధ్యమైన కథా కథనాలతో తెరకెక్కిన ఈ ‘అంబాజీపేట మ్యారేజి బ్యాండు’ సినిమా థియేటర్స్‌లో ఆడియెన్స్‌కు యూనిక్ ఎక్స్‌పీరియన్స్‌ని ఇస్తుందని చిత్రబృందం ఆశిస్తోంది.

సుహాస్ (Hero Suhas) విషయానికి వస్తే.. కమెడియన్‌గా, హీరో పక్కన చిన్న చిన్న పాత్రలతో మొదలెట్టి.. ఈ రోజు హీరోగా మంచి కంటెంట్ ఉన్న చిత్రాలతో ప్రేక్షకులకు దగ్గరవుతున్నారు. ‘కలర్ ఫొటో, రైటర్ పద్మభూషణ్’ వంటి సినిమాలు నటుడిగా సుహాస్‌కు మంచి గుర్తింపునిచ్చాయి. ఆ తర్వాత కేవలం హీరోగా అని మాత్రమే కాకుండా.. తనకు నచ్చిన ఇతర పాత్రలు కూడా చేసుకుంటూ.. హీరోగా తన సత్తా చాటేందుకు ప్రయత్నిస్తున్నాడు. ఈ నేపథ్యంలో రాబోయే ‘అంబాజీపేట మ్యారేజి బ్యాండు’ సినిమా కూడా అతనికి మంచి గుర్తింపును తీసుకువస్తుందనే నమ్మకంతో ఉన్నాడు సుహాస్.

ఇవి కూడా చదవండి:

====================

*Suhasini: ఇప్పుడొస్తున్న సినిమాలపై సుహాసిని హాట్ హాట్ కామెంట్స్

**********************************

*Salaar: రికార్డ్ బ్రేకింగ్ బ్లాక్‌బస్టర్.. రెండో రోజూ కలెక్షన్ల ‘వరదే’!

********************************

*Sriya Reddy: పవన్ ‘ఓజీ’లో చేస్తున్నందుకు అంతా ఏమంటున్నారంటే?

*********************************