Satyabhama: ‘సత్యభామ’గా కాజల్.. టీజర్ ఎప్పుడంటే?
ABN, First Publish Date - 2023-11-04T16:32:33+05:30
స్టార్ హీరోయిన్ కాజల్ అగర్వాల్ లీడ్ రోల్‌లో నటిస్తోన్న కొత్త సినిమా ‘సత్యభామ’. ఈ చిత్రంలో కాజల్ పవర్ ఫుల్ పోలీస్ ఆఫీసర్ పాత్రలో నటిస్తోంది. అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి నిర్మిస్తున్నారు. ‘మేజర్’ చిత్ర దర్శకుడు శశికిరణ్ తిక్క సమర్పకులుగా వ్యవహరిస్తూ స్క్రీన్‌ప్లే అందిస్తున్న ఈ చిత్రానికి సుమన్ చిక్కాల దర్శకుడు. ఈ చిత్ర టీజర్‌ని దీపావళికి విడుదల చేయబోతున్నట్లుగా మేకర్స్ వెల్లడించారు.
స్టార్ హీరోయిన్ కాజల్ అగర్వాల్ (Kajal Aggarwal) లీడ్ రోల్‌లో నటిస్తోన్న కొత్త సినిమా ‘సత్యభామ’ (Satyabhama). ఈ చిత్రంలో కాజల్ పవర్ ఫుల్ పోలీస్ ఆఫీసర్ పాత్రలో నటిస్తోంది. అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి నిర్మిస్తున్నారు. ‘మేజర్’ చిత్ర దర్శకుడు శశికిరణ్ తిక్క (Shashi Kiran Tikka) సమర్పకులుగా వ్యవహరిస్తూ స్క్రీన్‌ప్లే అందిస్తున్న ఈ చిత్రానికి సుమన్ చిక్కాల (Suman Chikkala) దర్శకుడు. క్రైమ్ థ్రిల్లర్ కథతో తెరకెక్కుతున్న ఈ సినిమా ప్రస్తుతం శరవేగంగా షూటింగ్ జరుపుకుంటోంది. తాజాగా ఈ చిత్ర టీజర్ విడుదలకు సంబంధించి మేకర్స్ ఓ అప్‌డేట్ వదిలారు.
దీపావళి పండుగ సందర్భంగా ఈ నెల 11న ‘సత్యభామ’ సినిమా టీజర్‌ను విడుదల చేయబోతున్నట్లుగా మేకర్స్ అధికారికంగా ప్రకటించారు. ఈ సందర్భంగా నిర్మాతలలో ఒకరైన బాబీ తిక్క మాట్లాడుతూ.. మా ‘సత్యభామ’ సినిమా షూటింగ్ శరవేగంగా జరుగుతోంది. ఇప్పటి వరకు దాదాపు 60 శాతం షూటింగ్ పూర్తిచేశాం. ఇటీవలే హైదరాబాద్‌లో కాజల్ అగర్వాల్ పాల్గొన్న కీలక సన్నివేశాలతో పాటు యాక్షన్ సీక్వెన్స్ తెరకెక్కించాం. ఈ నెల రెండో వారం నుంచి కొత్త షెడ్యూల్ ప్రారంభించబోతున్నాం. దీపావళి సందర్భంగా ఈ నెల 11న చిత్ర టీజర్‌ను రిలీజ్ చేస్తాం. వచ్చే సమ్మర్‌కు సినిమాను విడుదల చేయాలని ప్లాన్ చేస్తున్నాం. కాజల్ అగర్వాల్ పవర్ ఫుల్ పోలీస్ ఆఫీసర్ ‘సత్యభామ’గా మిమ్మల్ని ఆకట్టుకుంటారని అన్నారు. (Satyabhama Teaser Release Update)
కాజల్ అగర్వాల్ ప్రధాన పాత్రలో నటిస్తోన్న ఈ చిత్రంలో ప్రకాష్ రాజ్ (Prakash Raj), నవీన్ చంద్ర (Naveen Chandra) తదితరులు ఇతర పాత్రలలో నటిస్తున్నారు. ఈ సినిమాపై కాజల్ అగర్వాల్ ఎంతగానో నమ్మకంగా ఉన్నట్లుగా చెప్పుకొచ్చారు. అంతేకాదు, తనకు మొదటి నుంచి పోలీస్ ఆఫీసర్ పాత్రలో నటించాలని ఉండేదని, ఈ సినిమాలో ఫుల్ లెంగ్త్ రోల్ పోలీస్ ఆఫీసర్ పాత్రలో నటిస్తున్నందుకు చాలా సంతోషంగా ఉందని తెలిపారు.
ఇవి కూడా చదవండి:
========================
*Bharateeyudu 2: భారతీయుడు ఈజ్ బ్యాక్.. ఇక లంచగొండులకు మూడినట్టే!
**************************************
*Junior Balaiah: జూనియర్‌ బాలయ్య ఇకలేరు
*************************************
*Dayaa: జేడీ చక్రవర్తికి ఉత్తమ నటుడిగా అవార్డ్
**************************************