‘ఇమ్మోర్టల్’ నుంచి ‘లవ్-వు లవ్-వు రాకాసి’ సాంగ్.. ఎలా ఉందంటే

మల్టీ ట్యాలెంటెడ్ పర్సన్ జి.వి. ప్రకాష్ కుమార్ (GV Prakash Kumar) హీరోగా, కాయదు లోహర్ (Kayadu Lohar) హీరోయిన్‌గా నటిస్తోన్న డార్క్ పాంటసీ సూపర్ నేచురల్ థ్రిల్లర్ చిత్రం ‘ఇమ్మోర్టల్’ (Immortal). మరియప్పన్ చిన్న దర్శకత్వం వహిస్తున్న ఈ చిత్రాన్ని అరుణ్‌కుమార్ ధనశేఖరన్ నిర్మిస్తున్నారు. తాజాగా ఈ చిత్రంలోని ‘లవ్-వు లవ్-వు రాకాసి’ సాంగ్‌ను మేకర్స్ రిలీజ్ చేశారు. యువతను అలరించే క్యాచీ ట్యూన్, ఉత్సాహభరితమైన బీట్‌లతో రూపొందిన ఈ పాట మంచి స్పందనను రాబట్టుకుంటూ, సోషల్ మీడియాలో వైరల్ అవుతోంది.

ఈ పాటకు సామ్ సి.ఎస్ అద్భుతమైన ట్యూన్ అందించగా.. అరవింద్, రేష్మా శ్యామ్ తమ ఎనర్జిటిక్ వోకల్స్‌తో పాటకు ప్రత్యేక ఆకర్షణ తీసుకొచ్చారు. ప్రేమలోని సరదా, అల్లరి భావాలను ప్రతిబింబించేలా రాజ్‌శ్రీ సుధాకర్ ఈ పాటకు సాహిత్యాన్ని అందించారు. మెలోడీ, బీట్, లిరిక్స్ సమన్వయంతో రూపొందిన ఈ పాటలో జి.వి. ప్రకాష్ కుమార్, కాయదు లోహర్‌ల మధ్య కెమిస్ట్రీ ప్రధాన ఆకర్షణగా నిలుస్తోంది. కలర్ ఫుల్ విజువల్స్‌తో పాటు.. ఆకట్టుకునే డాన్స్ మూవ్‌మెంట్స్, స్టైలిష్ ప్రెజెంటేషన్‌తో రూపొందిన ఈ పాట సినిమాపై భారీగా అంచనాలను పెంచేస్తోంది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.

ఇవి కూడా చదవండి:

‘రావు బహదూర్’.. ఆంధ్ర, సీడెడ్, నైజాంలో వేరువేరుగా టికెట్ ధరలు

‘జైలర్ 2’కి పోటీగా.. చిరంజీవి ‘విశ్వంభర’ రిలీజ్ అప్పుడేనా!

మైత్రీ మూవీ మేకర్స్ 4వ తమిళ చిత్రం ప్రారంభం.. హీరో ఎవరంటే