రణబాలి.. ఏందయ్యా సామీ వీడియో.. ఎంత ముద్దుగా ఉన్నార్రా విరోష్

టాలీవుడ్ రౌడీ హీరో విజయ్ దేవరకొండ (Vijay Deverakonda), నేషనల్ క్రష్ రష్మిక మందన్న (Rashmika Mandanna) జంటగా టాలెంట్ డైరెక్టర్ రాహుల్ సాంకృత్యాన్ దర్శకత్వంలో తెరకెక్కిన చిత్రం రణబాలి (Ranabaali). ఈ సినిమాపై మొదటి నుంచి ప్రేక్షకులు ఎన్నో అంచనాలను పెట్టుకున్నారు. విరోష్ జంట పెళ్లి తరువాత నటించిన చిత్రం కావడంతో ఫ్యాన్స్ అందరూ ఎంతో ఆసక్తిగా ఎదురుచూశారు. ఇక ఆ అంచనాలతోనే అక్టోబర్ 16 న రణబాలి రిలీజ్ అయ్యి మిక్స్డ్ టాక్ ని అందుకుంది. పీరియాడిక్ యాక్షన్ డ్రామా కథ పరంగా బాగానే ఉన్నా కూడా విజయ్ ఎక్స్ ప్రెషన్స్, రాహుల్ టేకింగ్ అంతగా బాలేదని పెదవి విరిచారు. ఇక ఈ సినిమా మిక్స్డ్ టాక్ తోనే రికార్డు కలక్షన్స్ రాబట్టింది.

రణబాలి ప్రస్తుతం థియేటర్ లో రన్ అవుతున్న ఈ సినిమాపై మరింత హైప్ పెంచడానికి మేకర్స్ వీడియో సాంగ్స్ రిలీజ్ చేస్తున్నారు. తాజాగా ఈ సినిమాకే హైలైట్ గా మారిన ఏందయ్యా సామీ వీడియో సాంగ్ ని మేకర్స్ రిలీజ్ చేశారు. విజయ్ - రష్మిక పెళ్లి సమయంలో ఈ సాంగ్ ని స్పెషల్ గ్లింప్స్ ని రిలీజ్ చేసి వారిద్దరికీ బెస్ట్ విషెస్ తెలిపారు చిత్ర బృందం. అప్పటి నుంచే ఈ సాంగ్ సోషల్ మీడియాని షేక్ చేసింది. ఇక సినిమాలో కూడా లెంత్ ఎక్కువ ఉండడంతో మొదటి చరణం వరకే చూపించారు.

తాజాగా వీడియో సాంగ్ లో పూర్తి సాంగ్ ని రిలీజ్ చేశారు. ప్రముఖ సంగీత ద్వయం అజయ్-అతుల్ అందించిన మ్యూజిక్, రామజోగయ్య శాస్త్రీ అద్బుతమైన లిరిక్స్ ఒక ఎత్తు అయితే.. అజయ్ గొడవలే, శ్వేతా మోహన్ వాయిస్ మరో ఎత్తు అని చెప్పాలి. ఈ సాంగ్, మ్యూజిక్, వాయిస్ తో ప్రేక్షకులు ప్రేమలో పడిపోయారు. మొరటు మొగుడిని ప్రేమగా మార్చుకున్న భార్యగా రష్మిక ఎక్స్ ప్రెషన్స్ నెక్స్ట్ లెవెల్ అని చెప్పొచ్చు. ప్రస్తుతం ఈ వీడియో సాంగ్ సోషల్ మీడియాలో వైరల్ గా మారింది. ఈ సాంగ్ చూసిన ఫ్యాన్స్.. అబ్బా విరోష్ జంట ఎంత ముద్దుగా ఉన్నారో అంటూ కామెంట్స్ చేస్తున్నారు. త్వరలోనే ఈ సినిమా ఓటీటీలోకి అడుగుపెట్టనుందని టాక్. మరి థియేటర్ లో మిక్స్డ్ టాక్ అందుకున్న ఈ సినిమా ఓటీటీలో ఎలాంటి విజయాన్ని అందుకుంటుందో చూడాలి.