యాక్షన్ లవర్స్‌కి ట్రీట్ ఇచ్చేలా ‘ది రెడ్ బ్యాగ్’.. అప్డేట్ ఇదే!

డిఫరెంట్ కాన్సెప్ట్, కంటెంట్‌తో నూతన నిర్మాత హరికృష్ణ సోమిశెట్టి (Hari Krishna Somisetty) నిర్మిస్తోన్న చిత్రం ‘ది రెడ్ బ్యాగ్’ (The Red Bag). ఓ బ్యాగ్ చుట్టూ తిరిగే కథతో రూపుదిద్దుకుంటోన్న ఈ చిత్రానికి రవి కుమార్ సీరపు (Ravi Kumar Seerapu) కథ, కథనం, దర్శకత్వ బాధ్యతల్ని నిర్వర్తిస్తున్నారు. తాజాగా ఈ సినిమా షూటింగ్‌కు సంబంధించిన అప్డేట్‌ని మేకర్స్ తెలియజేశారు. ప్రస్తుతం ఈ సినిమా షూటింగ్‌ మొత్తం పూర్తి చేసుకుందని, పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయని మేకర్స్ ఈ అప్డేట్‌ (The Red Bag Movie Update)లో తెలిపారు. ఈ సినిమాకు సంబంధించి ఇప్పటికే విడుదలైన ఫస్ట్ లుక్ పోస్టర్.. సినిమాపై మంచి ఆసక్తిని రేకెత్తించిన విషయం తెలిసిందే.

ఈ మూవీ కాన్సెప్ట్ పోస్టర్‌లో ఇచ్చిన డీటైల్స్, వదిలిన హింట్స్‌తో సినిమాపై భారీగా బజ్ క్రియేట్ అయ్యేలా చేశారు. చేతినిండా రక్తంతో బ్యాగుని పట్టుకున్న తీరు, పోస్టర్‌లో ఉన్న కత్తులు, గన్నులు, రక్తంతో నిండిన ఆ ప్రాంతం.. ఇలా అన్నింటిని చూస్తే, ఈ సినిమా యాక్షన్ లవర్స్‌కి ట్రీట్ ఇచ్చేలా ఉండబోతోందనేది అర్థమవుతోంది. రీసెంట్‌గా థాయ్‌లాండ్‌లో సినిమా టీమ్ కీలక సన్నివేశాలను, ఓ పాటను షూట్ చేసినట్లుగా తెలిపారు. థాయ్‌లాండ్‌లోని అందమైన లొకేషన్లలో చిత్రీకరించిన ఈ సీన్స్ సినిమాకి హైలెట్‌గా నిలవనున్నాయని టీమ్ వెల్లడించింది.

కబీర్ సింగ్ ఇంత వరకు పోషించని ఓ డిఫరెంట్ పాత్రలో ఈ సినిమాలో కనిపించనున్నారు. ఆయనతో పాటు ప్రసాద్ బెహరా, రాధ్య, మోనిక, స్నేహా సింగ్, ఆకాంక్ష, ఈషాన్ శంకర్, అవినాష్ బదల్, భార్గవి వంటి వారు ఇతర కీలక పాత్రలలో కనిపించనున్నారు. త్వరలోనే ఈ సినిమాను రిలీజ్ చేసేందుకు మేకర్స్ సన్నాహాలు చేస్తున్నారు. ప్రస్తుతం టీజర్‌ రెడీగా ఉందని, అతి త్వరలోనే విడుదల చేస్తామని మేకర్స్ తెలుపుతున్నారు. నిర్మాత హరికృష్ణ సోమిశెట్టికి తొలి సినిమానే అయినా, ఎక్కడా కాంప్రమైజ్ కాకుండా భారీ బడ్జెట్‌తో ఈ చిత్రాన్ని నిర్మిస్తున్నట్లుగా తెలుస్తోంది.

ఇవి కూడా చదవండి:

పవన్ కళ్యాణ్ నివాసానికి సీఎం చంద్రబాబు.. ఫొటోలు వైరల్!

‘నా పెళ్ళాం నిప్పు రా’.. బెల్లంకొండ సాయి శ్రీనివాస్ పోస్ట్ వైరల్!

తొక్కలో ఇంటర్వ్యూ.. అంటూ కుర్చీ విసిరేసి వెళ్లిపోయిన గెటప్ శ్రీను!

కయాదు లోహర్‌ గురించి ఈ విషయాలు తెలుసా?