సౌత్ సినిమా+ -

వీడియోలు+ -

వెబ్ స్టోరీస్+ -

వైరల్+ -

స్టేజ్ పై డ్యాన్స్‌తో అద‌ర‌గొట్టిన‌.. సాయి పల్లవి, శ్రీలీల

ABN, Publish Date - Nov 17 , 2026 | 06:43 AM

ధనుష్, సాయి పల్లవి, శ్రీలీల ప్రధాన పాత్రల్లో నటించిన ‘ఓం: చాప్టర్ 1 – రుధిరం’ ప్రీ రిలీజ్ వేడుకలో మమ్ముట్టి ఆసక్తికర వ్యాఖ్యలు చేశారు. సినిమా విశేషాలు తెలుసుకోండి.

sai pallavi sreeleela

‘నాకు ఈ సినిమా చాలా ప్రత్యేకమైనది. ఈ చిత్రంతో ప్రతీ ఒక్కరు కనెక్ట్‌ అవుతారు. సాయి పల్లవి ఎనర్జీని చూసి ఆశ్చర్యపోయాను. రేణు దేశాయ్‌ చక్కగా నటించారు. మీకు కూడా సినిమా కచ్చితంగా నచ్చుతుందని అనుకుంటున్నాను’ అని అన్నారు మలయాళ సూపర్‌స్టార్‌ మమ్ముట్టి (Mammootty). ఆయన, ధనుష్ (Dhanush), సాయి పల్లవి (Sai Pallavi), శ్రీలీల (Sreeleela) ప్రధాన పాత్రధారులుగా రాజ్‌కుమార్‌ పెరియసామి (Rajkumar Periasamy) తెరకెక్కించిన చిత్రం ‘ఓం: చాప్టర్‌ 1-రుధిరం’ (OM Chapter 1). ఈనెల 20వ తేదీన ప్రేక్షకుల ముందుకు వస్తోంది. ఈ సందర్భంగా నిర్వహించిన ప్రీ రిలీజ్‌ వేడుకలో మమ్ముట్టి పాల్గొన్నారు.

ఈ కార్యక్రమంలో ధనుష్‌ మాట్లాడుతూ ‘ఈ సినిమాలో మమ్ముట్టితో కలిసి నటించడాన్ని అదృష్టంగా భావిస్తున్నా. ఇందులో 30 శాతం డైలాగులు తెలుగులోనే ఉంటాయి. సాయి పల్లవి, శ్రీలీల అద్భుతంగా నటించారు. దర్శకుడు రాజ్‌కుమార్‌ చాలా గొప్పగా ఈ కథాంశాన్ని డీల్‌ చేశారు. ఈ సినిమా ఘనవిజయం సాధిస్తుందనే నమ్మకం ఉంది. మంచి సినిమాను ఎంతో ప్రేమతో ఆదరించే తెలుగు ప్రేక్షకులు.. ఈ చిత్రాన్ని కూడా అంతే గొప్పగా ఆదరిస్తారని కోరుకుంటున్నాను’ అని చెప్పారు.

నిర్మాత సూర్యదేవర నాగవంశీ మాట్లాడుతూ ‘ధనుష్‌ సినిమాను తెలుగులో రిలీజ్‌ చేసే అవకాశం రావడం సంతోషంగా ఉంది’ అని అన్నారు. ‘నాకు ఈ సినిమాలో నిత్యా రెడ్డి ఐపీఎస్‌ లాంటి గొప్ప రోల్‌ ఇచ్చిన దర్శకుడికి కృతజ్ఞతలు. ధనుష్‌, మమ్ముట్టితో పనిచేయడం ఓ గొప్ప గౌరవం’ అని, ఈ సినిమాలో నేను మీ నాయిడుపేట తెలుగు పిల్లగా చేశాన‌ని సాయిపల్లవి తెలిపారు. అనంత‌రం సాయి పల్లవి, శ్రీలీల ఒకే స్టేజ్ పై డ్యాన్స్ చేసి ఆక‌ట్టుకున్నారు. ఈ కార్యక్రమంలో చిత్ర దర్శకుడు రాజ్‌కుమార్‌ పెరియసామి, నటి శ్రీలీల, రేణు దేశాయ్‌ పాల్గొన్నారు.

Updated Date - Nov 17 , 2026 | 06:43 AM