రోషన్‌ మేకను సూపర్‌హీరోగా చూపించనున్న ఇంద్రగంటి!

రోషన్‌ మేక హీరోగా ఇంద్రగంటి మోహనకృష్ణ ఓ సినిమాను తెరకెక్కిస్తున్నారు. అశోక్‌ వర్థన్‌ ముప్పా, సునీల్‌ బలుసు ఈ సినిమాను పాన్ ఇండియా స్థాయిలో నిర్మిస్తున్నారు. ఈ సినిమా ప్రారంభోత్సవం బుధవారం జరిగింది. ముప్పా వెంకయ్య చౌదరి కెమెరా స్విచ్ ఆన్ చేయగా, హీరో శ్రీకాంత్ క్లాప్ కొట్టారు. అనంతరం ముప్పా వెంకయ్య చౌదరి చిత్ర బృందానికి స్క్రిప్ట్ అందజేశారు.

ఈ సినిమా గురించి నిర్మాతలు మాట్లాడుతూ, 'రోషన్ మేకను గతంలో ఎన్నడూ చూడని పవర్ ఫుల్ సూపర్‌హీరో అవతార్‌లో చూపించేందుకు దర్శకుడు మోహనకృష్ణ ఇంద్రగంటి భారీ స్థాయి యాక్షన్ అడ్వెంచర్ కథను సిద్ధం చేశారు. ఈ డ్రీమ్ ప్రాజెక్ట్ కోసం ఆయన దాదాపు ఏడాదిన్నర పాటు ప్రీ-ప్రొడక్షన్ వర్క్స్ చేశారు. స్క్రిప్ట్‌ను పూర్తిస్థాయిలో డెవలప్ చేయడంతో పాటు, ప్రతి అంశాన్ని జాగ్రత్తగా తీర్చిదిద్దారు. ఆసక్తికరమైన కథాంశానికి అత్యాధునిక సాంకేతికత, భారీ స్థాయి విజువల్స్‌ను జోడించి అన్ని వర్గాల ప్రేక్షకులను ఆకట్టుకునేలా ఈ చిత్రాన్ని రూపొందిస్తున్నారు' అని అన్నారు.

ఈ సినిమాతో బాలీవుడ్ నటి రేఖా పాండే తెలుగు చిత్ర పరిశ్రమలోకి అడుగుపెడుతున్నారు. నటుడు వినయ్ రాయ్ కీలక పాత్రలో కనిపించనున్నారు. వీరిద్దరి రాకతో ఈ ప్రాజెక్ట్‌పై మరింత ఆసక్తి నెలకొంది. ఈ చిత్రానికి టాప్ టెక్నికల్ టీం పనిచేస్తోంది. పి.జి. విందా సినిమాటోగ్రఫీ నిర్వహించనున్నారు. ‘హనుమాన్’, ‘మిరాయ్’ చిత్రాలతో గుర్తింపు తెచ్చుకున్న గౌర హరి సంగీతం అందిస్తున్నారు. ప్రముఖ ప్రొడక్షన్ డిజైనర్లు రామకృష్ణ సబ్బాని, మోనికా నిగోట్రే ఈ సినిమా కోసం భారీ విజువల్ వరల్డ్‌ను రూపొందించనున్నారు. అంతర్జాతీయ స్థాయిలో గుర్తింపు పొందిన యాక్షన్ కొరియోగ్రాఫర్ లీ విటేకర్‌తో పాటు రామకృష్ణ యాక్షన్ సన్నివేశాలను రూపొందించనున్నారు. మార్తాండ్ కె. వెంకటేష్ దీనికి ఎడిటింగ్. ప్రపంచ స్థాయి ప్రమాణాలతో భారీగా తెరకెక్కనున్న ఈ సినిమా షూటింగ్ డిసెంబర్ మొదటి వారంలో ప్రారంభం కానుంది.

ఇవి కూడా చదవండి:

Renudesai: తమిళనాట వార్తల్లో నిలిచిన రేణు దేశాయ్ 

విడుదలకు ఒక్కరోజు ముందు ‘అ’ వాయిదా!

Siddu 10: సిద్దు.. నయన్.. ఓ రొమాంటిక్ డ్రామా