Peddi: స్పెషల్ సాంగ్.. విజువల్స్ లీక్! షాక్‌లో ‘పెద్ది’ టీం

‘పెద్ది’ సినిమాకు సంబంధించి ఒక షాకింగ్ న్యూస్ నెట్టింట హల్‌చల్ చేస్తోంది.

మెగా పవర్ స్టార్ రామ్ చరణ్ (Ram Charan), 'ఉప్పెన' దర్శకుడు బుచ్చిబాబు సానా (Buchi Babu Sana) కాంబినేషన్‌లో రాబోతున్న భారీ స్పోర్ట్స్ డ్రామా ‘పెద్ది’(Peddi). ప్రస్తుతం ఈ చిత్రం షూటింగ్ శరవేగంగా జరుగుతోంది. ఈ సినిమాకు సంబంధించి ఏదో ఒక అప్‌డేట్ సోషల్ మీడియాలో నిత్యం ట్రెండ్ అవుతూనే ఉంది. రామ్ చరణ్ ఊర మాస్ లుక్‌లో కనిపించబోతుండటంతో మెగా అభిమానుల్లో ఈ ప్రాజెక్టుపై భారీ అంచనాలు నెలకొన్నాయి. అయితే, తాజాగా ఈ సినిమాకు సంబంధించి ఒక షాకింగ్ న్యూస్ నెట్టింట హల్‌చల్ చేస్తోంది.

సాధారణంగా భారీ బడ్జెట్ సినిమాల చిత్రీకరణ సమయంలో ఎంత జాగ్రత్తలు తీసుకున్నా, అప్పుడప్పుడు సెట్స్ నుంచి ఫోటోలు లేదా వీడియోలు లీక్ అవుతుంటాయి. ఇప్పుడు ‘పెద్ది’ సినిమా కూడా ఈ లీక్‌ బారిన పడింది. ఈ చిత్రంలోని ఒక పవర్ ఫుల్ మాస్ బీట్ సాంగ్ నెట్టింట వైరల్ అవుతోంది. ఇది సినిమాలో వచ్చే ఒక స్పెషల్ ఐటమ్ సాంగ్ అని, ఈ పాట సినిమాకే హైలెట్ అవుతుందని సోషల్ మీడియా వేదికగా నెటిజన్లు చర్చించుకుంటున్నారు.

ఈ స్పెషల్ సాంగ్ కోసం చిత్ర యూనిట్ ఇప్పటికే పలువురు స్టార్ హీరోయిన్లను సంప్రదించినట్లు వార్తలు వచ్చాయి. అయితే ఫైనల్‌గా హీరోయిన్ శృతి హాసన్ (Shruti Haasan) ఈ పాటలో రామ్ చరణ్‌తో కలిసి చిందేస్తుంది. భారీ సెట్ వేసి షూటింగ్ జరుపుతుండగా, చరణ్ - శృతి రిహార్సల్స్ చేస్తున్న సమయంలో ఎవరో టాప్ యాంగిల్ నుంచి సీక్రెట్‌గా మొబైల్‌లో రికార్డ్ చేసి లీక్ చేశారు. కేవలం కొద్ది సెకన్ల నిడివి ఉన్న ఈ వీడియో ప్రస్తుతం సోషల్ మీడియాలో క్షణాల్లో వైరల్ అయింది.

ఈ చిత్రంలో బాలీవుడ్ బ్యూటీ జాన్వీ కపూర్ కథానాయికగా నటిస్తుండగా, కన్నడ స్టార్ శివ రాజ్ కుమార్, జగపతి బాబు, దివ్యేందు శర్మ వంటి ప్రముఖ నటులు కీలక పాత్రల్లో కనిపించనున్నారు. ఆస్కార్ విజేత ఏఆర్ రెహమాన్ (A R Rahman) ఈ సినిమాకు సంగీతాన్ని అందిస్తున్నారు. ఇప్పటికే విడుదలైన ఫస్ట్ షాట్, చికిరి, రాయ్ రాయ్ రా రా, పహిల్వాన్ వీడియో సినిమాపై భారీ స్థాయిలో బజ్ క్రియేట్ చేశాయి. రెహమాన్ మ్యూజిక్ ఈ సినిమాకు ప్రధాన ఆకర్షణగా నిలవనుంది.

అన్ని అడ్డంకులను అధిగమించి, శరవేగంగా పనులు పూర్తి చేసుకుంటున్న ‘పెద్ది’ చిత్రం ఈ ఏడాది జూన్ 25న ప్రపంచవ్యాప్తంగా భారీ ఎత్తున విడుదల కానుంది. గతంలో ‘ఉప్పెన’తో సెన్సేషన్ క్రియేట్ చేసిన బుచ్చిబాబు, ఇప్పుడు రామ్ చరణ్‌ను ఏ విధంగా ప్రెజెంట్ చేస్తారో అని ప్రేక్షకులు ఆసక్తిగా ఎదురుచూస్తున్నారు. ఈ మాస్ మ్యాజిక్ బాక్సాఫీస్ వద్ద ఎలాంటి వండర్స్ క్రియేట్ చేస్తుందో తెలియాలంటే జూన్ వరకు వేచి చూడాల్సిందే.