ఆడపడుచు కోసం అర్ధరాత్రి సమంత ఏం చేసిందంటే..

స్టార్ హీరోయిన్ సమంత (Samantha) ప్రస్తుతం ఒకపక్క నటిగా, నిర్మాతగా కొనసాగుతూనే.. ఇంకోపక్క ఇంటికోడలిగా బాధ్యతలు నిర్వర్తిస్తోంది. మొదటి నుంచి కూడా సామ్ ఒక మంచి గృహిణిలానే ఉండాలని కోరుకుంది.

స్టార్ హీరోయిన్ సమంత (Samantha) ప్రస్తుతం ఒకపక్క నటిగా, నిర్మాతగా కొనసాగుతూనే.. ఇంకోపక్క ఇంటికోడలిగా బాధ్యతలు నిర్వర్తిస్తోంది. మొదటి నుంచి కూడా సామ్ ఒక మంచి గృహిణిలానే ఉండాలని కోరుకుంది. ఇక రాజ్ నిడిమోరుతో వివాహం తరువాత ఆమె మంచి కోడలిగా మారిపోయింది. తాజాగా సామ్ ఆడపడుచు, రాజ్ చెల్లి శీతల్.. తనకు ఆరోగ్యం బాలేనప్పుడు తన వదిన సామ్ ఎంత కేర్ తీసుకుందో చెప్పుకొచ్చింది. అర్ధరాత్రి ఇంట్లో ఎవరిని లేపకుండా తనకు టాబ్లెట్స్ ఇచ్చి నిద్రపోకుండా నైట్ మొత్తం చూసుకొందని చెప్పుకొచ్చింది.

నేను అంతకుముందు సమంత నటించిన సినిమాల్లో ఒక్కటి కూడా చూడలేదు, కానీ నేను ఆమెను తెల్లవారుజామున మూడు గంటల సమయంలో చూశాను. ఆ పెళ్లి జరిగిన కొన్ని రోజుల తర్వాత, నేను హైదరాబాద్‌లోని సమంత ఇంట్లో ఉంటున్న సమయంలో ఒక రాత్రి నాకు విపరీతంగా జ్వరం, నేను అస్సలు తట్టుకోలేనంతగా వణికిపోతున్నాను, విరామం లేకుండా వాంతులు అవుతున్నాయి, తల పగిలిపోతున్నంత నొప్పిగా ఉంది. కనీసం మంచం దిగి మందులు గానీ, అదనపు దుప్పట్లు గానీ వెతుక్కునే ఓపిక కూడా నాకు లేకపోవడంతో చాలా సేపు సంకోచిస్తూనే చివరికి మా ఫ్యామిలీ గ్రూప్‌లో ఒక చిన్న మెసేజ్ పెట్టాను. ఇంట్లో ఏమైనా మందులు ఉన్నాయా? నేను విపరీతంగా వణికిపోతున్నాను, దుప్పట్లు ఎక్కడ ఉన్నాయో కూడా నాకు తెలియడం లేదు అని నేను మెసేజ్ పెట్టిన కొద్ది నిమిషాల్లోనే సామ్ నుండి నేను వస్తున్నాను అని రిప్లై వచ్చింది.

ఆమె ఇంట్లో ఎవరినీ నిద్ర లేపలేదు, తన సిస్టర్‌ని వెళ్లి చూడు అని నా బ్రదర్‌కి చెప్పలేదు, ఆ పనిని చూసుకోమని వేరే ఎవరికీ పురమాయించకుండా స్వయంగా నా దగ్గరకు వచ్చింది. ఆ టైమ్‌కి దుప్పట్లు ఎక్కడున్నాయో దొరకకపోవడంతో నేను వెచ్చగా ఉండటం కోసం పెద్ద పెద్ద టవల్స్‌ని నా చుట్టూ గట్టిగా కప్పింది, నాకు మందులు తెచ్చి ఇచ్చి, మంచి నీళ్లు అందించి నా పక్కనే ఉండి చూసుకుంది. ఇవన్నీ తలుచుకుంటే నాకు ఇప్పటికీ ఎందుకు కళ్ళు చెమర్చుతాయంటే.. ఆ రాత్రంతా ఆమె అస్సలు నిద్రపోలేదనే నిజం నాకు తెలుసు కాబట్టి. అప్పుడే పెళ్లి జరిగి ఆమె చుట్టూ బోలెడంత హడావుడి ఉంది, పైగా మరికొన్ని గంటల్లోనే ఆమె మరుసటి రోజు షూటింగ్ కోసం రోజంతా కష్టపడాల్సి ఉంది. ఆ తర్వాత ఉదయం నేను షూటింగ్ సెట్స్‌కి వెళ్లేసరికి అక్కడ ఆమె చీర కట్టుకుని, తన సొంత స్టంట్స్ తనే చేస్తూ ఎంతో ఫోకస్‌గా, మొహంపై చిరునవ్వుతో కనిపిస్తోంది. రాత్రంతా హాయిగా నిద్రపోయిన వ్యక్తిలాగే తన పని తాను చేసుకుపోతున్న ఆమె నన్ను చూడగానే అడిగిన మొదటి ప్రశ్న షూటింగ్ ఎలా జరుగుతోంది అని కాదు, ఇప్పుడు నీకు ఎలా ఉంది? ఒంట్లో బాగుందా? అని అడిగింది.

నేను ఆమె మొహంలో కనిపించిన ఆ నిజమైన ఆందోళనను చూస్తూ ఇప్పటికీ గుర్తుచేసుకుంటుంటాను. రాత్రంతా అస్సలు నిద్ర లేకుండా గడిపి కూడా, ఇక్కడ నిలబడి తను అంత బాగా ఎలా నటించగలుగుతుంది అని నేను ఆమె వంక అలానే ఆశ్చర్యంగా చూస్తూ ఉండిపోయాను. వెండితెరపై ఆ సీన్స్ చూసే ఎవ్వరికీ కూడా అలిసిపోయినట్లు అనిపించదు. ఆ అందమైన చిరునవ్వు వెనుక ఉన్న ఒక మృదువైన, దయగల హృదయం ఎవరికీ కనిపించదు. ఒకరి అంతర్గత శక్తి వారి దయాగుణంలోనే దాగి ఉండటం ఎంత అందమైన విషయం. జీవితం చాలా ప్రశాంతంగా, సుఖంగా ఉన్నప్పుడు చూపించే సాధారణ దయ కాదు ఇది.. మనమే తీవ్రమైన అలసటలో ఉన్నప్పుడు కూడా మన మనసులో మిగిలి ఉండే నిజమైన దయ ఇది. మనం కాసేపు విశ్రాంతి తీసుకున్నా ఎవరూ తప్పుబట్టని పరిస్థితిలో కూడా, ఎదుటివారి కోసం అడగకుండానే ముందుకు సాగే ఒక గొప్ప మనస్తత్వం ఇది. అందుకేనేమో ఈ సినిమా టైటిల్ చూసినప్పుడు నా మొహంలో ఒక తెలియని చిరునవ్వు వచ్చింది. ఎందుకంటే నేను తెరపై మా ఇంటి బంగారం సినిమా చూడటానికి చాలా కాలం ముందే.. నా రియల్ లైఫ్‌లో నిజమైన బంగారాన్ని కలిశాను.' అని చెప్పుకొచ్చింది. ప్రస్తుతం ఈ పోస్ట్ సోషల్ మీడియాలో వైరల్ గా మారింది.