Priya Atlee: రాకా టీమ్‌ వరుస శుభవార్తలు..

అల్లు అర్జున్‌ (Allu Arjun) పుట్టిన రోజు మొదలు ‘రాకా’ (Raaka) టీమ్‌ నుంచి వరుస శుభవార్తలు అందుతున్నాయి.

అల్లు అర్జున్‌ (Allu Arjun) పుట్టిన రోజు మొదలు ‘రాకా’ (Raaka) టీమ్‌ నుంచి వరుస శుభవార్తలు అందుతున్నాయి. తాజాగా ఈ చిత్రంలో కథానాయికగా నటిస్తోన్న దీపికా పడుకోన్‌ (Deepika padukone) రెండోసారి తల్లి కాబోతున్నట్లు ప్రకటించారు. ఈ శుభవార్తను సోషల్‌ మీడియా వేదికగా అభిమానులతో పంచుకున్నారు. ఇప్పుడు దర్శకుడు అట్లీ (Atlee) వంతు వచ్చింది. ఆయన భార్య ప్రియా పండంటి ఆడబిడ్డకు జన్మనిచ్చింది. ఈ విషయాన్ని అట్లీ ఒక బ్యూటిఫుల్‌ పోస్ట్‌తో అభిమానులకు తెలిపారు. తన కొడుకుకు ఒక చిట్టి చెల్లెలు వచ్చింది అన్నట్టు ఆనందం వ్యక్తం చేశారు. 

ఈ పోస్ట్‌కు కాజల్‌, అనన్య పాండే, సమంత, రష్మిక మందన్నా, నజ్రియా తదితరులు శుభాకాంక్షలు తెలిపారు. ఐకాన్‌స్టార్‌ అల్లు అర్జున్‌ హీరోగా అట్లీ దర్శకత్వంలో తెరకెక్కుతున్న ‘రాకా’ చిత్రం శరవేగంగా చిత్రీకరణ జరుపుకుంటోంది. సన్‌ పిక్చర్స్‌ పతాకంపై కళానిధి మారన్‌ భారీ బడ్జెట్‌తో ఈ చిత్రాన్ని తెరకెక్కిస్తున్నారు.