కింగ్.. బర్త్ డే కి సర్ప్రైజ్ రెడీ

కింగ్ అక్కినేని నాగార్జున (Akkineni Nagarjuna) కెరీర్‌లో ఎంతో ప్రతిష్టాత్మకంగా తెరకెక్కుతున్న మైల్‌స్టోన్ 100వ చిత్రం కింగ్100. అన్నపూర్ణ స్టూడియోస్ పతాకంపై అత్యంత భారీ స్థాయిలో నిర్మితమవుతున్న ఈ చిత్రానికి తమిళ దర్శకుడు రా కార్తీక్ (Ra Karthik) దర్శకత్వం వహిస్తున్నాడు.

కింగ్ అక్కినేని నాగార్జున (Akkineni Nagarjuna) కెరీర్‌లో ఎంతో ప్రతిష్టాత్మకంగా తెరకెక్కుతున్న మైల్‌స్టోన్ 100వ చిత్రం కింగ్100. అన్నపూర్ణ స్టూడియోస్ పతాకంపై అత్యంత భారీ స్థాయిలో నిర్మితమవుతున్న ఈ చిత్రానికి తమిళ దర్శకుడు రా కార్తీక్ (Ra Karthik) దర్శకత్వం వహిస్తున్నాడు. ఈ సినిమా ద్వారా ఆయన టాలీవుడ్‌కి దర్శకుడిగా పరిచయం కాబోతున్నాడు. ఈ సినిమాలో అందాల భామ టబు ఒక అత్యంత కీలకమైన పాత్రలో నటిస్తుంది. గతంలో నిన్నే పెళ్లాడుతా, ఆవిడా మా ఆవిడే వంటి క్లాసిక్స్ తర్వాత మళ్లీ నాగార్జున, టబు కాంబినేషన్ కుదరడంతో ఈ సినిమాపై అంచనాలు భారీగా పెరిగాయి.

ప్రస్తుతం ఈ ప్రతిష్టాత్మక ప్రాజెక్ట్ షూటింగ్ వేగవంతంగా జరుగుతోంది.ఇప్పటివరకు నాగ్.. చాలా సైలెంట్ గా షూటింగ్ ని ఫినిష్ చేస్తున్నాడు. ఈ ల్యాండ్‌మార్క్ మూవీకి రాక్‌స్టార్ దేవిశ్రీ ప్రసాద్ (DSP) సంగీతాన్నీ అందిస్తున్నాడు. ఇక ఈ సినిమా సంక్రాంతికి వస్తోందని కొందరు.. డిసెంబర్ లోనే వస్తోందని కొందరు చెప్పుకొస్తున్నారు. అంతేకాకుండా ఈ చిత్రానికి లాటరీ కింగ్ అనే టైటిల్ ని అనుకుంటున్నట్లు కూడా వార్తలు వచ్చాయి. ఇక ఈ వార్తలకు చెక్ పెట్టడానికి మేకర్స్ సిద్ధమయ్యాడు.

ఆగస్టు 29న నాగార్జున పుట్టినరోజు సందర్భాన్ని పురస్కరించుకుని, అక్కినేని అభిమానులకు, సినీ ప్రియులకు ప్రత్యేక కానుకగా ఈ చిత్రం టైటిల్ గ్లింప్స్ ను విడుదల చేయనున్నట్లు మేకర్స్ ప్రకటించారు. మొదటి నుంచి కూడా నాగ్ బర్త్ డే కి ఈ సర్ప్రైజ్ ఉంటుందని ఫ్యాన్స్ ఊహించారు. అనుకున్నట్లుగా టైటిల్ గ్లింప్స్ అనౌన్స్ చేయడంతో అక్కినేని ఫ్యాన్స్ సంతోషం వ్యక్తం చేస్తున్నారు. ఈ గ్లింప్స్ లోనే టైటిల్ తో పాటు రిలీజ్ డేట్ ని కూడా ప్రకటించనున్నారట. ఇప్పటివరకు సీనియర్ హీరోలు అయిన చిరంజీవి, బాలకృష్ణ, వెంకటేష్.. వందకోట్ల క్లబ్ లో చేరారు. నాగ్ ఒక్కడే ఆ రికార్డును బద్దలు కొట్టలేదు. కింగ్ 100 తో ఈ రికార్డ్ సృష్టిస్తాడేమో చూడాలి.