లుక్ మార్చిన డ్రాగ‌న్‌.. ఎన్టీఆర్‌ ఫ్యాన్స్ ఫిదా

తాజాగా డ్రాగ‌న్ షూటింగ్‌లో బిజీగా ఉన్న జూనియ‌ర్ ఎన్టీఆర్ స్టైలిష్ లుక్‌లో క‌నిపించి ఫ్యాన్స్‌కు షాక్ ఇచ్చాడు.

మ్యాన్ ఆఫ్ మాసెస్ ఎన్టీఆర్ (NTR), సెన్సేషనల్ మాస్ దర్శకుడు ప్రశాంత్ నీల్ (Prashanth Neel) కాంబినేషన్‌లో వస్తున్న చిత్రం 'డ్రాగన్'. భారీ యాక్షన్ డ్రామాగా రూపొందుతున్న ఈ సినిమాపై ఇప్పటికే అంచనాలు ఆకాశాన్ని తాకాయి. ఈ చిత్రంలో ఎన్టీఆర్ సరసన కన్నడ స్టార్ హీరోయిన్ రుక్మిణి వసంత్ (Rukmini vasanth) కథానాయికగా నటిస్తోంది. 'ఆర్ఆర్ఆర్', 'దేవర' వంటి భారీ విజయాల తర్వాత తారక్ నటిస్తున్న ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ప్రశాంత్ నీల్ మార్క్ రా యాక్షన్‌తో రాబోయే ఈ మూవీపై దేశవ్యాప్తంగా భారీ హైప్ నెలకొంది. ఈ క్రేజీ ప్రాజెక్ట్ గురించి చిన్న అప్‌డేట్ వచ్చినా సోషల్ మీడియాలో క్షణాల్లో వైరల్ అవుతోంది. ప్రస్తుతం ఈ సినిమా షూటింగ్ పక్కా ప్లానింగ్ ప్రకారం సాగుతోంది.

ప్రశాంత్ నీల్ సినిమాలంటేనే హీరోలను చాలా పవర్‌ఫుల్‌గా, రఫ్ లుక్‌లో చూపిస్తుంటారు. అందుకే ఈ సినిమా కోసం ఎన్టీఆర్ తన బాడీ లాంగ్వేజ్‌ను, రూపాన్ని పూర్తిగా మార్చుకోవాల్సి వచ్చింది. ఈ ప్రాజెక్ట్ ప్రారంభంలో తారక్ స్లిమ్ లుక్‌ను చూసి అభిమానులు కొంత ఆందోళన చెందారు. ఆ లుక్ వారికి కాస్త కొత్తగా, ఇబ్బందిగా అనిపించినా.. నెమ్మదిగా ఆ మార్పు వెనుక ఉన్న కారణాన్ని అర్థం చేసుకున్నారు. ఇటీవల తారక్ బయట కనిపిస్తున్న తీరు చూస్తుంటే, ప్రశాంత్ నీల్ తన సినిమాలో తారక్‌ను ఏ స్థాయిలో ప్రెజెంట్ చేయబోతున్నారో స్పష్టమవుతోంది. స్లిమ్ లుక్‌లో ఉంటూనే గడ్డం పెంచి, చాలా షార్ప్ ఫిజిక్‌తో మ్యాన్ ఆఫ్ మాసెస్ కనిపిస్తున్నారు. ఈ కొత్త మేకోవర్ అభిమానుల్లో ఉన్న పాత అనుమానాలన్నింటినీ పటాపంచలు చేస్తోంది.

ఇక ఈరోజు బయటకు వచ్చిన తారక్ లేటెస్ట్ ఫొటోలు నెట్టింట సెన్సేషన్ సృష్టిస్తున్నాయి. ఎన్టీఆర్ చాలా స్టైలిష్‌గా ఉండటమే కాక, ఆయనలో ఒక రకమైన ఇంటెన్సిటీ కనిపిస్తోందని నెటిజన్లు కామెంట్స్ చేస్తున్నారు. నీల్ సినిమాల్లో ఉండే ఆ మార్క్ డార్క్ షేడ్ ఈ లుక్‌లో స్పష్టంగా కనిపిస్తోంది. అభిమానులు ఇప్పుడు తారక్ కొత్త మేకోవర్ పట్ల ఎంతో సంతోషంగా ఉన్నారు. ఒక మాస్ హీరోను క్లాస్ ఎలిమెంట్స్‌తో ఎలా చూపించవచ్చో ప్రశాంత్ నీల్ ఈ సినిమా ద్వారా నిరూపించబోతున్నారని వారు నమ్ముతున్నారు. ఈ మేకోవర్ చూశాక సినిమాపై ఉన్న హైప్ మరో మెట్టు ఎక్కిందని చెప్పవచ్చు.

సాంకేతికంగా కూడా ఈ సినిమా అత్యున్నత ప్రమాణాలతో రూపుదిద్దుకుంటోంది. ప్రశాంత్ నీల్ ఆస్థాన సంగీత దర్శకుడు రవి బసృర్ ఈ భారీ ప్రాజెక్టుకు స్వరాలు సమకూరుస్తున్నారు. తనదైన నేపథ్య సంగీతంతో థియేటర్లలో మోత మోగించేందుకు ఆయన ఇప్పటికే సిద్ధమైనట్లు సమాచారం. నిర్మాణ విలువల విషయంలో ఈ చిత్రం ఎక్కడా తగ్గడం లేదు. మైత్రీ మూవీ మేకర్స్-ఎన్టీఆర్ ఆర్ట్స్ సంయుక్తంగా ఈ భారీ బడ్జెట్ చిత్రాన్ని ఎంతో ప్రతిష్టాత్మకంగా నిర్మిస్తున్నాయి. ఎన్టీఆర్ కెరీర్‌లోనే ఇది అతిపెద్ద యాక్షన్ డ్రామాగా నిలుస్తుందని ఇండస్ట్రీ వర్గాలు అంచనా వేస్తున్నాయి. షూటింగ్ దశలోనే ఇంతటి ఆసక్తిని రేకెత్తిస్తున్న ఈ సినిమా, విడుదలయ్యాక బాక్సాఫీస్ వద్ద ఎన్ని రికార్డులను తిరగరాస్తుందోనని సినీ ప్రియులు ఆత్రుతగా ఎదురుచూస్తున్నారు.