Jagapathi Babu: మా పెద్దమ్మాయి చెప్పింది.. కాపీ.. పేస్ట్.. చేశా..
ABN, Publish Date - Jul 30 , 2026 | 04:25 PM
నటుడు జగపతి బాబు (Jagapathi Babu) కొంతకాలంగా సోషల్ మీడియాలో యాక్టివ్గా ఉంటున్నారు.
సీనియర్ నటుడు జగపతిబాబు సోషల్ మీడియాలో ఎంత యాక్టివ్గా ఉంటారో తెలిసిందే. సినిమాలతో పాటు తన రోజువారీ జీవితంలోని ఆసక్తికర విషయాలను, సరదా వీడియోలను అభిమానులతో పంచుకుంటూ ఆకట్టుకుంటుంటారు. తాజాగా ఆయన షేర్ చేసిన ఓ వీడియో నెట్టింట వైరల్గా మారింది.
ఈ వీడియోలో జగపతిబాబు స్వయంగా బిస్కెట్లు తయారు చేస్తూ కనిపించారు. వంట చేయడంపై తనకున్న ఆసక్తిని మరోసారి చూపించిన ఆయన, ఎంతో సరదాగా బిస్కెట్లు తయారు చేసి అభిమానులతో పంచుకున్నారు. అయితే వీడియోలో ఆయన చెప్పిన మాటలు అందరినీ మరింత ఆకట్టుకుంటున్నాయి.
'ఈ విద్యను మా పెద్ద అమ్మాయి దగ్గర చూసి కాపీ కొట్టాను' అంటూ ఫన్నీగా కామెంట్ చేయడంతో నెటిజన్లు నవ్వులు పూయిస్తున్నారు. తనపై తానే జోక్ చేసుకుంటూ వీడియోను మరింత ఎంటర్టైనింగ్గా మార్చారు. ప్రస్తుతం ఈ వీడియో సోషల్ మీడియాలో వైరల్ అవుతోంది.
జగపతిబాబు గతంలో కూడా పలు ఫుడ్ మేకింగ్ వీడియోలు, ఫిట్నెస్కు సంబంధించిన పోస్టులు, మోటివేషనల్ సందేశాలను అభిమానులతో పంచుకున్నారు. అందుకే ఆయన సోషల్ మీడియా పోస్టులకు ప్రత్యేక ఫ్యాన్ ఫాలోయింగ్ ఉంది.