ఇన్‌స్టాలో శృతిమించిన‌.. విష్ణు ప్రియ‌ అస‌భ్య ఫొటోలు, వీడియోలు! సైబ‌ర్ పోలీసుల‌కు ఫిర్యాదు

ప్ర‌ముఖ యాంక‌ర్‌, న‌టి విష్ణుప్రియ స‌మ‌స్య‌ల్లో చిక్కుకుంది.

ప్ర‌ముఖ యాంక‌ర్‌, న‌టి విష్ణుప్రియ (Vishnupriya Bheemineni) స‌మ‌స్య‌ల్లో చిక్కుకుంది. గ‌త కొంత కాలంగా అడ‌పాద‌డ‌పా సినిమాలు, టీవీ షో, బిగ్ బాస్ వంటి షోల‌తో రెండు తెలుగు రాష‌ష్ట్రాల‌లో త‌న‌కంటూ ప్ర‌త్యేక ఫాలోయింగ్‌ను సంపాదించుకుంది. ముఖ్యంగా అర్థ‌న‌గ్న ఫొటోషూట్ల‌తో త‌రుచూ కుర్ర‌కారును క‌వ్విస్తూ ఫొటోషూట్‌లు చేస్తూ వాటిని ఇన్ స్టా ఇత‌ర సోష‌ల్ మీడియా ఫ్లాట్‌ఫాంల‌లో షేర్ చేస్తూ ఉంటుంది.

ఈ క్ర‌మంలోనే 1.4 మిలియ‌న్స్‌కు పైగా ఫాలోవ‌ర్ల‌తో సామాజిక మాధ్య‌మాల్లో దూసుకుపోతుంది. అయితే విష్ణు ప్రియ యువ‌త‌ను త‌ప్పుదోవ ప‌ట్టిస్తుంద‌ని ఆమెపై చ‌ర్య‌లు తీసుకోవాలంటూ విజ‌య‌వాడ‌లో ప‌లువురు పోలీసుల‌ను ఆశ్ర‌యించ‌డం ఇప్పుడు సంచ‌ల‌నంగా మారింది.

వివ‌రాల్లోకి వెళితే.. గ‌తంలో విష్ణు ప్రియ అప్పుడ‌ప్పుడు త‌న బ‌రువైన‌ అందాల ప్ర‌ద‌ర్శ‌ణ‌తో యూత్‌లో కాక రేపేది. కానీ ఇటీవ‌ల‌ త‌న సోష‌ల్ మీడియా అకౌంట్‌ను ఫాలో అయ్యే వారి కోసమే కాకుండా కొత్త వారిని ఆక‌ర్షించేందుకు గేర్ మార్చింది. కాస్త మోతాదు మించిన అందాలు ప్ర‌ద‌ర్శిస్తూ వీడియోల‌ను షూట్ చేసి వాటిని ప్ర‌త్యేకంగా సబ్‌స్క్రిప్షన్ అనే అప్స‌న్ ద్వారా షేర్ చేస్తుంది. వీటిని చూడాల‌ని అనుకున్న వారు స‌బ్‌స్క్రిప్స‌న్ కింద నెల‌కు సుమారు రూ.399 చెల్లించి వాటిని చూసేయ‌వ‌చ్చు.

ఈ వ్య‌వ‌హారమే ఇటీవ‌ల‌ సోష‌ల్ మీడియాలో వైర‌ల్‌గా మార‌డంతో చాలామంది ఈ అంశంపై పెద్ద ఎత్తున చ‌ర్చింకుంటున్నారు. చాలామంది విష్ణుప్రియ‌ ఇదేం పని అంటూ బాహాటంగానే విమ‌ర్శ‌లు గుప్పిస్తున్నారు. సబ్‌స్క్రిప్షన్ వీడియోల‌ ద్వారా యువ‌కుల‌ను త‌ప్పుదోవ ప‌ట్టిస్తోందని, చెప్ప‌లేని విధంగా వీడియోల‌ను పెడుతూ యూత్‌ను పాడు చేస్తుంద‌ని ప‌బ్లిక్ దుయ్య బ‌డుతున్నారు.

ఈ నేప‌థ్యంలోనే విజ‌య‌వాడ‌లో ప‌లువురు ఏఐఎస్ఎఫ్ నాయ‌కులు సైబ‌ర్ క్రైమ్ పోలీసు (Vijayawada Cyber Crime Police) ల‌ను ఆశ్ర‌యించారు. విష్ణు ప్రియ‌పై ఇన్‌స్టాలో అస‌భ్య కంటెంట్ పోస్టు చేసి స‌బ్ స్క్రిప్ష‌న్ పేరుతో డ‌బ్బు వ‌సూలు చేస్తున్నద‌ని, ఇలాంటి వారిని అరి క‌ట్టాల‌ని కేసు న‌మోదు చేసి సంబంధిత ఇన్ స్టా అకౌంట్‌ను బ్లాక్ చేయించాల‌ని ఆమెపై చ‌ర్య‌లు తీసుకోవాల‌ని ఫిర్యాదు చేశారు. ప్ర‌స్తుతం ఈ న్యూస్ టాలీవుడ్‌లో హాట్ టాపిక్‌గా మారింది.