సంక్రాంతికి వచ్చేది వీరాధివీరులంట

ఇండస్ట్రీలో మల్టీస్టారర్ సినిమాల ట్రెండ్ కొంచెం తగ్గింది. ప్రస్తుతం వెంకటేష్ (Venkatesh), కల్యాణ్ రామ్ (Kalyan Ram) హీరోలుగా దర్శకుడు అనిల్ రావిపూడి కాంబినేషన్‌లో ఒక మల్టీస్టారర్ తెరకెక్కుతోన్న విషయం తెల్సిందే. ఈ సినిమా వచ్చే ఏడాది సంక్రాంతికి రిలీజ్ కానుంది. ఇక ఈ సినిమాకు పోటీగా దిల్ రాజు మరో భారీ మల్టీస్టారర్ చిత్రాన్ని వచ్చే ఏడాది సంక్రాంతి రేసులోకి తీసుకురాబోతున్నాడు. తమ కామెడీతో ప్రేక్షకులను అలరిస్తోన్న హీరోలు రవితేజ(Raviteja), శ్రీవిష్ణు(Sreevishnu) కాంబినేషన్‌లో ఈ కొత్త మల్టీస్టారర్ ప్రాజెక్ట్ రూపుదిద్దుకోనుంది. త్వరలోనే ఈ సినిమా పట్టాలెక్కనుంది.

మెంటల్ మదిలో, రాజరాజచోర, స్వాగ్ సినిమాలతో తనకంటూ ఒక మంచి గుర్తింపు తెచ్చుకున్న డైరెక్టర్ హసిత్ గోలి దర్శకత్వంలో తెరకెక్కనున్న ఈ క్రేజీ మల్టీస్టారర్ చిత్రానికి వీరాధివీరులంట అనే ఆసక్తికరమైన టైటిల్‌ను దాదాపు ఖరారు చేసినట్లు సమాచారం.త్వరలోనే ఈ ప్రాజెక్ట్‌ను అధికారికంగా అనౌన్స్ చేయడానికి చిత్ర యూనిట్ ప్లాన్ చేస్తోంది. అనిల్ రావిపూడి సినిమాతో పాటు ఈ చిత్రాన్ని కూడా పక్కాగా సంక్రాంతికే థియేటర్లలోకి తీసుకురావాలనే గట్టి టార్గెట్‌తో దిల్ రాజు ఉన్నాడట.

ఇక షూటింగ్ షెడ్యూల్స్ విషయంలో కూడా మేకర్స్ చాలా పక్కా ప్లానింగ్‌తో ముందుకు వెళ్తున్నారు. ఈ ఏడాది ఆగస్టు నుంచి షూటింగ్ ప్రారంభించి, డిసెంబర్ నాటికల్లా ఫస్ట్ కాపీని సిద్ధం చేయాలని చిత్రబృందం భావిస్తోంది. దీనికి రవితేజ, శ్రీవిష్ణు కూడా గ్రీన్ సిగ్నల్ ఇచ్చినట్లు తెలుస్తోంది.ఇక ఈ సినిమాపై అభిమానులు భారీ అంచనాలు పెంచుకున్నారు. ఈ ఇద్దరు హీరోల కామెడీ టైమింగ్ నెక్స్ట్ లెవెల్. అలాంటిది ఇద్దరూ ఒకే ఫ్రేమ్ లో కనిపిస్తే అరాచకం అనే చెప్పాలి. మరి ఈ సినిమాతో దిల్ రాజు.. అనిల్ రావిపూడిని ఢీ కొడతాడా లేదా అనేది చూడాలి.