Samantha: మెట‌ర్నిటీ లీవ్ తీసుకుంటున్నా.. 'బంగారం' బ‌య‌ట‌కు చెప్పేసింది

స‌మంత లీడ్ రోల్‌లో న‌టించిన మా ఇంటి బంగారం చిత్రం గ‌త శుక్ర‌వారం థియేట‌ర్ల‌కు వ‌చ్చి విజ‌యంవంతంగా దూసుకుపోతుంది.

స‌మంత (Samantha) లీడ్ రోల్‌లో న‌టించిన మా ఇంటి బంగారం (Maa Inti Bangaaram) చిత్రం గ‌త శుక్ర‌వారం థియేట‌ర్ల‌కు వ‌చ్చి విజ‌యంవంతంగా దూసుకుపోతుంది. నందిని రెడ్డి ద‌ర్శ‌క‌త్వం వ‌హించిన ఈ మూవీ విడుద‌లైన అన్ని కేంద్రాల‌లో హౌజ్‌ఫుల్ క‌లెక్ష‌న్ల‌తో దూసుకుపోతుంది. ఇప్ప‌టికే రూ.50 కోట్ల‌కు పైగా వ‌సూళ్ల‌ను రాబ‌ట్టి రూ.100 కోట్ల క్ల‌బ్‌లో చేరేందుకు ప‌రుగులు పెడుతోంది. ఈ నేప‌థ్యంలో ఈ చిత్ర బృందం బుధ‌వారం థ్యాంక్యూ మీట్ నిర్వ‌హించింది.

ఈ సంద‌ర్భంగా స‌మంత మాట్లాడుతూ ప‌లు ఆస‌క్తిక‌ర వ్యాఖ్య‌లు చేసింది. కొంత‌కాలం క్రితం సినిమాల ప‌రంగా నా ప‌ని అయిపోయింద‌ని రాశార‌ని ఓ దశ‌లో నేను చేయాల్సిన మూవీస్ సైతం క్యాన్సిల్ అయ్యాయ‌ని అన్నారు. అలాంటి పరిస్దితుల్లో ఈ సినిమాను చాలా కంట్రోల్ బడ్జెట్‌లో చేశామన్నారు. చిరంజీవి గారు ప్ర‌త్యేకంగా అహ్వ‌నించి మ‌మ్మ‌ల్ని ఆశీర్వ‌దించ‌డం కూడా సినిమాకు చాలా ఫ్ల‌స్ అయింద‌ని సురేఖ‌, సుస్మిత‌లు మా సినిమాను బాగా ఎంజాయ్ చేసిన‌ట్లు తెలిపారు.

ఇక రిలేష‌న్ షిప్స్ అనేవి మ‌న కంట్రోల్‌లో ఉండ‌వ‌ని, అది ఇద్ద‌రు వ్య‌క్తుల‌కు సంబంధించిన బంధ‌మ‌ని ఇద్దరు ఒకరినొకరు కంప్లీట్ అనిపించేలా రిలేషన్ ఉండాలని అలాంటి వారిని సెలెక్ట్ చేసుకోవాలని అన్నారు. ఈ సినిమా త‌ర్వాత నాకు కొంత గ్యాప్ అవ‌స‌ర‌మ‌ని.. మెటర్నిటీ లీవ్ కావాలి అని చెబుతూ త‌ను త‌ల్లిని కాబోతున్న విష‌యాన్ని అధికారికంగా వెళ్ల‌డించింది. ఇందుకు సంబంధించిన వీడియోల ఇప్పుడు సామాజిక మాధ్య‌మాల్లో వైర‌ల్ అవుతోంది.