గీతగోవిందం డైరెక్టర్ తో మెగా మేనల్లుడు..

గీతగోవిందం సినిమాతో ఓవర్ నైట్ స్టార్ డైరెక్టర్ గా మారాడు పరుశురామ్ పెట్ల (Parusuram Petla). ఈ సినిమా తరువాత సూపర్ స్టార్ మహేష్ బాబుతో సర్కారు వారి పాట వంటి మాస్ బ్లాక్‌బస్టర్ తెరకెక్కించిన ఆయన రెండేళ్ల క్రితం ది ఫ్యామిలీ స్టార్ సినిమాతో ప్రేక్షకుల ముందుకు వచ్చాడు. ఈ సినిమా ఆశించిన ఫలితాన్ని అందుకోలేకపోయింది. ఈ సినిమా అనంతరం కొద్దిగా గ్యాప్ తీసుకున్న పరుశురామ్ మొన్నటి వరకు బాలీవుడ్ లోకి ఎంట్రీ ఇస్తున్నట్లు వార్తలు వచ్చాయి. అందులో నిజం లేదని తెలియడంతో అసలు పరుశురామ్ సినిమాలు తీస్తాడా అనే అనుమానాలు మొదలయ్యాయి. ఇక ఎట్టకేలకు మెగా మేనల్లుడుతో ఈ డైరెక్టర్ రీఎంట్రీ ఇస్తున్నట్లు సమాచారం.

తాజాగా మెగా మేనల్లుడు పంజా వైష్ణవ్ తేజ్ కు ఈ డైరెక్టర్ ఒక పవర్‌ఫుల్ లైన్ వినిపించినట్లు సమాచారం. టాలీవుడ్ బడా ప్రొడ్యూసర్ దిల్ రాజు కాంబినేషన్‌లో ఈ సినిమా రూపుదిద్దుకోనుండటం విశేషం. కథ విన్న వైష్ణవ్ తేజ్ నుంచి ప్రాథమికంగా పాజిటివ్ రెస్పాన్స్ వచ్చిందని ఇండస్ట్రీ వర్గాల్లో టాక్ నడుస్తోంది. త్వరలోనే ఈ సినిమా పట్టాలెక్కనుందని టాక్.

మరోవైపు, వైష్ణవ్ తేజ్ లైన్‌అప్‌లో విఐ ఆనంద్ దర్శకత్వంలో కూడా ఒక క్రేజీ ప్రాజెక్ట్ చర్చల దశలో ఉంది. అయితే ఆ ప్రాజెక్ట్‌కు సంబంధించి స్క్రిప్ట్ పనులు ఇంకా పూర్తికావాల్సి ఉంది, అలాగే నిర్మాత కూడా ఖరారు కావాల్సి ఉంది. ఈ క్రమంలో వి.ఐ. ఆనంద్ సినిమా కంటే ముందే పరశురామ్ - దిల్ రాజుల ప్రాజెక్ట్‌ పట్టాలెక్కే అవకాశాలు ఎక్కువగా కనిపిస్తున్నాయి. ఉప్పెన తర్వాత సాలిడ్ హిట్ కోసం చూస్తున్న వైష్ణవ్ తేజ్‌కు పరశురామ్ మార్క్ కమర్షియల్ ఎంటర్‌టైనర్ సరైన ఛాయిస్ అవుతుందని మెగా ఫ్యాన్స్ భావిస్తున్నారు.

ఇవి కూడా చదవండి:

మండాడి సంచలన రికార్డు.. సుహాస్, సూరి కెరీర్‌లోనే బిగ్గెస్ట్ బ్లాక్‌బస్టర్

అభిమాని హ‌త్య కేసు.. దర్శన్‌కు మరో బిగ్ షాక్

ధనుష్ కొత్త పార్టీ.. 'తమిళగ ఎళుచ్చి కళగం'? ఈసీ వద్ద నమోదు!