అల్లు ఫ్యాన్స్‌కు బ్యాడ్ న్యూస్‌.. రెండేండ్ల త‌ర్వాతే 'రాకా' విడుద‌ల

అల్లు అర్జున్ 'రాకా' సినిమా రిలీజ్ డేట్ విషయంలో ఇప్పుడు ఒక ఆసక్తికరమైన చర్చ నడుస్తోంది.

ఐకాన్ స్టార్ అల్లు అర్జున్ (Allu Arjun), కోలీవుడ్ సెన్సేషనల్ డైరెక్టర్ అట్లీ ( Atlee) కాంబినేషన్‌లో తెరకెక్కుతున్న చిత్రం రాకా (Raaka). 'పుష్ప' సిరీస్‌తో గ్లోబల్ రేంజ్‌లో గుర్తింపు తెచ్చుకున్న బన్నీ, వరుస హిట్లతో దూసుకుపోతున్న అట్లీతో జతకట్టడం ఈ ప్రాజెక్ట్‌పై అంచనాలను ఆకాశానికి చేర్చింది. అయితే, ఈ సినిమా రిలీజ్ డేట్ విషయంలో ఇప్పుడు ఒక ఆసక్తికరమైన చర్చ నడుస్తోంది.

మొదట ఈ సినిమాను 2027 ఏప్రిల్‌లో విడుదల చేయాలని ప్లాన్ చేశారు. కానీ, తాజా సినీ వర్గాల సమాచారం ప్రకారం, ఈ భారీ ప్రాజెక్ట్ ఆ టైమ్‌లైన్‌ను మిస్ అయ్యే అవకాశం కనిపిస్తోంది. ముంబై షూటింగ్ షెడ్యూల్స్ మరియు మేకింగ్ క్వాలిటీని దృష్టిలో ఉంచుకుని, మూవీ రిలీజ్‌ను 2027 డిసెంబర్ లేదా 2028 సంక్రాంతి సీజన్‌కు షిఫ్ట్ చేసే యోచనలో చిత్ర యూనిట్ ఉన్నట్లు తెలుస్తోంది.

రీసెంట్‌గా ముంబై షూటింగ్ స్పాట్ నుంచి బయటకు వచ్చిన ఒక చిన్న క్లూ ఈ ఊహాగానాలకు బలాన్ని చేకూర్చింది. అక్కడ చిత్ర యూనిట్ ఉపయోగిస్తున్న ఐడెంటిటీ ట్యాగ్స్ ప్రకారం, షూటింగ్ షెడ్యూల్ ఏప్రిల్ 2027 వరకు కొనసాగే అవకాశం ఉందని సంకేతాలు అందాయి. అట్లీ తన ప్రతి సీన్‌ను అత్యంత గ్రాండియర్‌గా, పర్‌ఫెక్షన్‌తో తెరకెక్కించే క్రమంలో ఈ లాంగ్ షూటింగ్ అనివార్యమైనట్లు సమాచారం.

కేవలం షూటింగ్ మాత్రమే కాదు, ఈ సినిమా పోస్ట్ ప్రొడక్షన్ కోసం ఏకంగా 8 నెలల సమయం కేటాయించ బోతున్నారట. హాలీవుడ్ స్థాయి విజువల్ ఎఫెక్ట్స్ కోసం అంతర్జాతీయ టెక్నీషియన్స్ ఈ ప్రాజెక్ట్ కోసం పని చేస్తున్నారు. ముఖ్యంగా ఈ సినిమాలో బన్నీ క్యారెక్టరైజేషన్ చాలా విభిన్నంగా ఉండబోతోందని టాక్. పగలు మనిషిలా, రాత్రి మృగంలా ప్రవర్తించే ఒక పవర్‌ఫుల్ షేడ్‌లో బన్నీని అట్లీ చూపించబోతున్నారట. ఈ 'మృగం' ఎలిమెంట్ కోసమే అత్యున్నత స్థాయి VFXను వాడుతున్నట్లు తెలుస్తోంది.

'రాకా' సినిమా కేవలం ఇండియాకే పరిమితం కాకుండా గ్లోబల్ మార్కెట్‌ను టార్గెట్ చేస్తోంది. అందుకే క్వాలిటీ విషయంలో ఎక్కడా కాంప్రమైజ్ కాకూడదని మేకర్స్ భావిస్తున్నారు. ఒకవేళ 2028 సంక్రాంతికి ఈ సినిమా వస్తే బాక్సాఫీస్ వద్ద రికార్డుల వేట మొదలవ్వడం ఖాయమని ట్రేడ్ విశ్లేషకులు అంచనా వేస్తున్నారు.

మొత్తానికి, వెయిటింగ్ పీరియడ్ పెరుగుతున్నా.. బన్నీ నుంచి ఒక విజువల్ వండర్ రాబోతోందని ఫ్యాన్స్ ఫిక్స్ అయిపోయారు. మంచి అవుట్‌పుట్ కోసం ఎంత కాలమైనా వేచి చూస్తామని సోషల్ మీడియాలో కామెంట్స్ కనిపిస్తున్నాయి. మరి 'రాకా'గా అల్లు అర్జున్ ఏ రేంజ్‌లో గర్జిస్తారో చూడాలంటే మరికొన్ని రోజులు ఎదురు చూడక తప్పదు.