'AA22' టైటిల్ రివీల్కు ముహూర్తం ఫిక్స్
ABN, Publish Date - Apr 07 , 2026 | 11:33 AM
పుష్ప సిరీస్తో పాన్ ఇండియా వైడ్గా క్రేజ్ సంపాదించుకున్న బన్నీ, ఇప్పుడు తన నెక్స్ట్ ప్రాజెక్ట్తో మరోసారి బాక్సాఫీస్ను షేక్ చేయడానికి రెడీ అవుతున్నారు.
పుష్ప సిరీస్తో పాన్ ఇండియా వైడ్గా క్రేజ్ సంపాదించుకున్న బన్నీ(Allu Arjun), ఇప్పుడు తన నెక్స్ట్ ప్రాజెక్ట్తో మరోసారి బాక్సాఫీస్ను షేక్ చేయడానికి రెడీ అవుతున్నారు. కోలీవుడ్ సెన్సేషనల్ డైరెక్టర్ అట్లీ దర్శకత్వంలో రాబోతున్న ఈ సినిమాకు సంబంధించి తాజాగా ఒక సాలిడ్ పోస్టర్ను మేకర్స్ రిలీజ్ చేశారు. ఈ పోస్టర్ చూస్తుంటేనే అర్థమవుతోంది, అట్లీ తన మార్క్ స్టైలిష్ అండ్ మాస్ ఎలిమెంట్స్తో ఒక బిగ్గెస్ట్ యాక్షన్ ఎంటర్టైనర్ను ప్లాన్ చేశారని. సన్ పిక్చర్స్ లాంటి భారీ ప్రొడక్షన్ హౌస్ ఈ సినిమాను నిర్మిస్తుండటంతో, అంచనాలు ఆకాశాన్ని తాకుతున్నాయి. ఈ క్రేజీ కాంబినేషన్ అనౌన్స్మెంట్ సోషల్ మీడియాలో ఇప్పటికే ట్రెండింగ్ సెట్ చేస్తోంది.
ఈ మూవీకి సంబంధించిన లేటెస్ట్ అప్డేట్ విషయానికి వస్తే, ఏప్రిల్ 8వ తేదీన ఉదయం 11 గంటలకు సినిమా టైటిల్ను అఫీషియల్గా రివీల్ చేయబోతున్నారు. ఇక ఒకరోజు ముందుగా రిలీజైన పోస్టర్లో కనిపిస్తున్న ఆ వింతైన పంజాని చూస్తుంటే, బన్నీ ఈ సినిమాలో ఏదో ఒక పవర్ఫుల్ అండ్ డిఫరెంట్ రోల్లో కనిపిస్తారని హింట్ ఇస్తున్నారు. ముఖ్యంగా సినిమా టైటిల్ ఏమై ఉంటుందనే విషయంలో ఫ్యాన్స్ మధ్య రకరకాల చర్చలు నడుస్తున్నాయి. అట్లీ (Atlee) గత సినిమాలు జవాన్, బిగిల్ లాగే ఈ సినిమా కూడా హై-వోల్టేజ్ యాక్షన్తో పాటు ఎమోషనల్ టచ్తో ఉంటుందని ట్రేడ్ వర్గాలు అంటున్నాయి. టాలీవుడ్ ఐకాన్ స్టార్ - కోలీవుడ్ మాస్ డైరెక్టర్ కలయికలో వస్తున్న ఈ ప్రాజెక్ట్ కోసం కేవలం తెలుగు ప్రేక్షకులే కాకుండా, దేశవ్యాప్తంగా ఉన్న సినిమా లవర్స్ ఈగర్గా వెయిట్ చేస్తున్నారు.
టెక్నికల్ పరంగా కూడా ఈ సినిమా చాలా గ్రాండ్గా ఉండబోతోంది. యూత్ సెన్సేషన్ అయిన సాయి అభ్యంకర్ ఈ చిత్రానికి మ్యూజిక్ అందించనున్నాడు, బ్యాక్ గ్రౌండ్ స్కోర్ అండ్ సాంగ్స్ నెక్స్ట్ లెవల్లో ఉంటాయని ఫ్యాన్స్ ఫిక్స్ అయిపోయారు. గతేడాది రిలీజ్ అయిన ప్రీ గ్లింప్స్ లో ఈ సినిమాకు పని చేయబోయే హాలీవుడ్ టెక్నిషియన్స్ను రివీల్ చేశారు. ఇప్పటివరకు వచ్చిన సమాచారం ప్రకారం, ఈ సినిమా బడ్జెట్ విషయంలో ఎక్కడా కాంప్రమైజ్ కాకుండా ఇండియన్ స్క్రీన్ మీద ఒక విజువల్ వండర్లా తీర్చిదిద్దాలని అట్లీ ప్లాన్ చేస్తున్నారు. ఏప్రిల్ 8న రాబోయే ఆ టైటిల్ రివీల్తో ఈ సినిమా కాన్సెప్ట్ ఏంటో క్లారిటీ వచ్చే అవకాశం ఉంది. మొత్తానికి AA22 పేరుతో పిలవబడుతున్న ఈ ప్రాజెక్ట్, అల్లు అర్జున్ కెరీర్లోనే మరో మైలురాయిగా నిలుస్తుందనడంలో ఎటువంటి సందేహం లేదు. రేపటి బిగ్ అనౌన్స్మెంట్ కోసం అందరూ ఆసక్తిగా ఎదురుచూస్తున్నారు.