బాలయ్యకు విలన్‌గా వెంకటేష్ హీరోయిన్..

గాడ్ ఆఫ్ మాసెస్ నందమూరి బాలకృష్ణ (Nandamuri Balakrishna), కొరటాల శివ(Koratal Siva) కాంబినేషన్‌లో ఒక భారీ చిత్రం తెరకెక్కబోతున్న సంగతి తెలిసిందే. వీరిద్దరి కాంబో ప్రకటన వచ్చినప్పటి నుంచే టాలీవుడ్‌తో పాటు సినీ వర్గాల్లోనూ ఈ ప్రాజెక్ట్‌పై విపరీతమైన అంచనాలు నెలకొన్నాయి.

గాడ్ ఆఫ్ మాసెస్ నందమూరి బాలకృష్ణ (Nandamuri Balakrishna), కొరటాల శివ(Koratal Siva) కాంబినేషన్‌లో ఒక భారీ చిత్రం తెరకెక్కబోతున్న సంగతి తెలిసిందే. వీరిద్దరి కాంబో ప్రకటన వచ్చినప్పటి నుంచే టాలీవుడ్‌తో పాటు సినీ వర్గాల్లోనూ ఈ ప్రాజెక్ట్‌పై విపరీతమైన అంచనాలు నెలకొన్నాయి. పవర్‌ఫుల్ మాస్ ఎలిమెంట్స్‌తో పాటు బలమైన సామాజిక సందేశాన్ని జోడించి కథలను తెరకెక్కించడంలో దిట్ట అయిన కొరటాల శివ, బాలకృష్ణ కోసం ఒక మైండ్ బ్లోయింగ్ కథను సిద్ధం చేసినట్లు సమాచారం. తాజాగా ఈ సినిమా కాస్టింగ్‌కి సంబంధించి ఒక సంచలన అప్‌డేట్ నెట్టింట విపరీతంగా వైరల్ అవుతోంది.

ఈ సినిమాలో పవర్‌ఫుల్ నటి ఐశ్వర్య రాజేశ్ ఒక కీలక పాత్రలో కనిపించనున్నట్లు తెలుస్తోంది. అయితే ఆమె ఇందులో కథానాయికగా కాకుండా, పూర్తిస్థాయి నెగిటివ్ షేడ్స్ ఉన్న పవర్‌ఫుల్ పాత్రలో నటించబోతుండటం ఇండస్ట్రీ వర్గాలను తీవ్ర ఆశ్చర్యానికి గురిచేస్తోంది. తన సహజసిద్ధమైన నటనతో హోమ్‌లీ రోల్స్‌లో మెప్పించిన ఐశ్వర్య రాజేశ్.. బాలయ్యకు పోటీగా విలన్ షేడ్స్ ఉన్న పాత్రను ఎంచుకోవడం ఈ సినిమాపై ఉన్న ఆసక్తిని ఒక్కసారిగా నెక్స్ట్ లెవెల్‌కు తీసుకెళ్లింది.

మాస్ ఆడియన్స్ పల్స్ తెలిసిన బాలకృష్ణ విశ్వరూపానికి, కొరటాల శివ రాసుకున్న పవర్‌ఫుల్ విలనిజం తోడైతే థియేటర్లలో పూనకాలు రావడం ఖాయమని నందమూరి అభిమానులు ధీమా వ్యక్తం చేస్తున్నారు. కథ కథనాల విషయంలో ఎక్కడా కాంప్రమైజ్ కాకుండా కొరటాల శివ డిజైన్ చేసిన ఈ పాత్రలో ఐశ్వర్య రాజేశ్ ఏ రేంజ్‌లో మెప్పిస్తుందో వేచి చూడాలి. త్వరలోనే ఈ ప్రాజెక్ట్‌కు సంబంధించిన పూర్తి వివరాలను, అధికారిక కాస్టింగ్ అనౌన్స్‌మెంట్‌ను మేకర్స్ వెల్లడించనున్నారు. సంక్రాంతికి వస్తున్నాం సినిమాతో హీరోయిన్ గా హిట్ అందుకున్న ఐశ్వర్య రాజేశ్ ఈ సినిమాతో లేడి విలన్ గా హిట్ అందుకుంటుందేమో చూడాలి.