శివకుమార్‌: ఎం. ఆర్‌. రాధాకు‘రత్తకన్నీర్‌’ - రాధికకు ‘తాయ్‌ కిళవి’

దివంగత నటుడు ఎం.ఆర్‌. రాధాకు ‘రత్తకన్నీర్‌’, (Raktha Kanneeru) ఇపుడు రాధికకు ‘తాయ్‌ కిళవి’ (Thai kilavi) చిత్రం ఓ మైలురాయి అని సీనియర్‌ నటుడు శివకుమార్‌ ప్రశంసించారు.

దివంగత నటుడు ఎం.ఆర్‌. రాధాకు ‘రత్తకన్నీర్‌’ (Raktha Kanneeru), ఇపుడు ఆయన కూతురు రాధికకు ‘తాయ్‌ కిళవి’ (Thai kilavi) చిత్రం ఓ మైలురాయి అని సీనియర్‌ నటుడు శివకుమార్‌ ప్రశంసించారు. హీరో శివ కార్తికేయన్‌ నిర్మాతగా, డెబ్యూ డైరెక్టర్‌ శివకుమార్‌ మురుగేశన్‌ దర్శకత్వంలో తెరకెక్కిన చిత్రం ‘తాయ్‌ కిళవి’. ఇటీవల విడుదలై ఘన విజయం సాధించింది. ఈ చిత్రాన్ని చూసిన పలువురు హీరోలు, సినీ ప్రముఖులు రాధిక (Radhika Sarath kumar) నటనకు ఫిదా అయి ఆమెపై ప్రశంసల వర్షం కురిపించారు.

ఈ నేపథ్యంలో ఈ చిత్రాన్ని తాజాగా సీనియర్‌ నటుడు శివకుమార్‌ చూసి, రాధికను అభినందనల్లో ముంచెత్తారు. దివంగత నటుడు ఎంఆర్‌ రాధా సినీ కెరీర్‌లో ‘రత్తకన్నీర్‌’, ఆయన కుమార్తె అయిన నటి రాధికకు ‘తాయ్‌ కిళవి’ చిత్రం మైలురాళ్ళంటూ ప్రశంసించారు. ఈ విషయాన్ని రాధిక తన ఎక్స్‌ ఖాతాలో షేర్‌ చేశారు.‘శివకుమార్‌ అన్నా ధన్యవాదాలు’ అంటూ ట్వీట్‌ చేస్తూ, ఆయనతో దిగిన ఫొటోను ఆమె షేర్‌ చేశారు.