జీవాతో.. జ‌త క‌డుతున్న‌ ఇవాన

జీవా హీరోగా నటించే ‘జాలియా ఇరుంద ఒరుత్తన్‌’(జియో)లో హీరోయిన్‌గా ల‌వ్‌లుడే ఇవాన ను ఎంపిక చేశారు.

జీవా (Jiiva) హీరోగా నటించే ‘జాలియా ఇరుంద ఒరుత్తన్‌’ (Jolliya Iruntha Oruthan) (జియో)లో హీరోయిన్‌గా ల‌వ్‌లుడే ఇవాన (Ivana)ను ఎంపిక చేశారు. ఈ విషయాన్ని మేకర్స్‌ తాజాగా అధికారికంగా వెల్లడించారు.

ఎం.రాజేష్‌ దర్శకత్వంలో రూపొందుతోన్న ఈ సినిమా షూటింగ్‌ మలేషియాలో శరవేగంగా జరుపుకుంటోంది. ఇందులో నటించే నటీనటుల పేర్లను వెల్లడించిన చిత్ర బృందం హీరోయిన్‌ పేరును మాత్రం సీక్రెట్‌గానే ఉంచింది.

ఈ నేపథ్యంలో తాజాగా ఇవాన పేరు ప్రకటించింది. ప్రదీప్‌ రంగనాథన్‌ హీరోగా వచ్చిన ‘లవ్‌టుడే’ చిత్రంలో ఇవాన హీరోయిన్‌గా నటించి, ప్రేక్షకుల మనసుల్లో స్థానం సంపాదించుకున్న విషయం తెల్సిందే. అయితే, ఆ తర్వాత ఇవాన నటించిన చిత్రాలు ఆశించిన స్థాయిలో విజయం సాధించలేదు.

ఇదిలావుంటే, 2009లో ఎం.రాజేష్‌ - జీవా - యువన్‌ శంకర్‌ రాజా కాంబినేషన్‌లో ‘శివ మనసులే శక్తి’ సినిమా రాగా ఘన విజయం సాధించింది. ఇపుడు దాదాపు 16 యేళ్ళ తర్వాత ‘జియో’ (JIO) తెరకెక్కుతుండటంతో ఈ మూవీపై భారీ అంచనాలు నెలకొన్నాయి.