'జన నాయగన్' రిలీజ్.. సీఎం విజయ్ షాకింగ్ నిర్ణయం!

తమిళనాడు ముఖ్యమంత్రి విజయ్ నటించిన‌ చివరి చిత్రం జన నాయగన్ విడుద‌ల విష‌యంలో రోజుకో వార్త బ‌య‌టికి వ‌స్తూ హ‌ల్చ‌ల్ చేస్తున్నాయి.

తమిళనాడు ముఖ్యమంత్రి విజయ్ (Vijay) నటించిన‌ చివరి చిత్రం 'జన నాయగన్ (Jana Nayagan) . హెచ్. వినోద్ దర్శకత్వం వహిస్తున్న ఈ సినిమాను మొదట జనవరి 9న థియేటర్లలో విడుదల చేయాలని అనుకున్నారు. అయితే సెన్సార్ సర్టిఫికేట్ రావడంలో ఆలస్యం జరగడం వల్ల ఈ సినిమా వాయిదా పడింది. ఆ తర్వాత దీని కొత్త విడుదల తేదీ గురించి ఎలాంటి స్పష్టమైన సమాచారం లేకుండా పోయింది. కానీ, గత కొన్ని రోజులుగా ఈ సినిమా సెన్సార్ పనులు చివరి దశకు వచ్చాయని, త్వరలోనే సర్టిఫికేట్ అందుతుందని గట్టిగా ప్రచారం జరుగుతోంది. దీంతో ఈ చిత్రం జులై 23న ప్రేక్షకుల ముందుకు వచ్చే అవకాశం ఉందని అందరూ భావిస్తున్నారు.

ఈ సినిమా విడుదల తేదీపై ఇప్పటివరకు ఎలాంటి అధికారిక ప్రకటన రానప్పటికీ, విజయ్ బృందం మాత్రం సినిమాను ఎలాంటి వివాదాలు లేకుండా రిలీజ్ చేయడానికి ఏర్పాట్లు చేస్తోందట. ముఖ్యంగా థియేటర్ల వద్ద బ్లాక్ టికెట్ల అమ్మకాల వల్ల ఎలాంటి గొడవలు లేదా వివాదాలు రాకూడదని విజయ్ కోరుకుంటున్నారట. ప్రస్తుతం ఆయన రాజకీయాల్లో యాక్టివ్‌గా ఉండటం, ప్రతిపక్షాలు ఆయన పరిపాలనపై మచ్చ తెచ్చేందుకు ప్రయత్నిస్తుండటంతో, విజయ్ ఈ విషయంలో చాలా అప్రమత్తంగా ఉన్నారని సమాచారం. సినిమా రిలీజ్ సమయంలో వచ్చే ఏ చిన్న వివాదమైనా ఆయన రాజకీయ ప్రతిష్టను దెబ్బతీసే అవకాశం ఉంది.

అందుకే విజయ్ థియేటర్ల వద్ద పరిస్థితులను నిరంతరం పర్యవేక్షించడానికి ఒక ప్రత్యేకమైన బృందాన్ని ఏర్పాటు చేసినట్లు తెలుస్తోంది. సినిమా విడుదలయ్యే సమయంలో ఎలాంటి అవాంఛనీయ సంఘటనలు జరగకుండా ఈ టీమ్ చూసుకుంటుంది. ఒకవేళ ఏవైనా కొత్త వివాదాలు తలెత్తితే, అది ప్రజల్లో తనకున్న మంచి పేరును పాడు చేస్తుందని విజయ్ భావిస్తున్నారు. అందుకే ఆయన చాలా జాగ్రత్తగా వ్యవహరిస్తూ, థియేటర్ల దగ్గర ఎలాంటి తప్పుడు ప్రచారాలు లేదా గొడవలు జరగకుండా ముందస్తు చర్యలు తీసుకుంటున్నారు.

మరోవైపు సోషల్ మీడియాలో విజయ్ అభిమానులు ఈ వార్తలపై ఎంతో సంతోషం వ్యక్తం చేస్తున్నారు. ఇన్నాళ్లకు 'జన నాయగన్' సినిమా విడుదలకు మార్గం సుగమం అయిందని అంటున్నారు. విజయ్ చివరి సినిమా కావడంతో దీనిని పెద్ద పండుగలా జరుపుకోవాలని అభిమానులు, ప్రేక్షకులు ఎంతో ఆసక్తిగా ఎదురుచూస్తున్నారు. అయితే ఇదే తరుణంలో థియేటర్ల యజమానులు టికెట్లను ఎక్కువ ధరలకు అమ్మి లాభాలు పొందే ప్రయత్నం చేయకూడదని, అలా చేస్తే విజయ్ ఇమేజ్ పాడవుతుందని అభిమానులు కోరుతున్నారు. ఈ సినిమా బాక్సాఫీస్ వద్ద ఎలాంటి విజయాన్ని అందుకుని విజయ్‌కు ఎలాంటి వీడ్కోలు పలుకుతుందో చూడాలి.