ఈ వారం మూడు కొత్త సినిమాలు.. ఈ ఓటీటీలో ఫ్రీగా చూసేయండి

సినీ ప్రియులకు వినోదాన్ని పంచేందుకు సరికొత్త కాన్సెప్ట్‌తో దూసుకొచ్చిన నయా ఓటీటీ ప్లాట్‌ఫామ్ ‘థియేటర్‌ ప్లస్’ (Theater Plus). డిఫరెంట్ కంటెంట్, వినూత్న చిత్రాలతో ఇప్పటికే ప్రేక్షకులను అలరిస్తున్న ఈ ప్లాట్‌ఫామ్.. సినీ లవర్స్‌కు అదిరిపోయే ఆఫర్ ప్రకటించింది. ఎలాంటి సబ్‌స్క్రిప్షన్ ఫీజు లేకుండా, పైసా పేమెంట్ చేయాల్సిన అవసరం లేకుండా పూర్తిగా ఉచితంగానే ఈ వారం ఏకంగా మూడు విభిన్న చిత్రాలను స్ట్రీమింగ్‌కు తీసుకువస్తోంది. థియేటర్లలో విడుదలై ప్రేక్షకులను మెప్పించిన ‘గుమాస్తా’ (Gumastha), ‘నాలుగు వసంతాలు’ (4 Vasanthalu), ‘జై గణేష్’ (Jai Ganesh) అనే మూడు సూపర్ కంటెంట్ చిత్రాలు ఈ వారం ‘థియేటర్‌ ప్లస్’లో సందడి చేయనున్నాయి. ఈ చిత్రాల ప్రత్యేకతల విషయానికి వస్తే..

1. గుమాస్తా (కోర్ట్‌రూమ్ క్రైమ్ థ్రిల్లర్):

న్యాయ వ్యవస్థ, చట్టంలోని లూప్‌హోల్స్ నేపథ్యంలో ఆద్యంతం ఉత్కంఠభరితంగా సాగే చిత్రమిది. చట్టాలపై పూర్తి పట్టున్న ఓ లాయర్ క్లర్క్ (గుమాస్తా).. తన భార్య అనుమానాస్పద మృతి కేసులో ప్రధాన నిందితుడిగా మారతాడు. ఆ తర్వాత పోలీసులు, గుమాస్తా మధ్య సాగే పిల్లి-ఎలుక ఆట సీట్ ఎడ్జ్ థ్రిల్‌ను పంచుతుంది. క్లైమాక్స్‌లో వచ్చే ఊహించని ట్విస్టులు ప్రేక్షకులను విస్మయానికి గురిచేస్తాయి.

2. నాలుగు వసంతాలు (యూత్‌‌ఫుల్ లవ్ డ్రామా):

కాలేజ్ బ్యాక్‌డ్రాప్‌లో సాగే మనసును హత్తుకునే స్వచ్ఛమైన ప్రేమకథ ఇది. నాలుగేళ్ల ఇంజినీరింగ్ కాలేజ్ జర్నీలో చిగురించిన ప్రేమ, అనుకోని బ్రేకప్, భావోద్వేగాలను ఎంతో సహజంగా తెరకెక్కించారు. కాలేజ్ చదువు పూర్తయి బయటకు వచ్చే సమయానికి వీరి ప్రేమ ఎలాంటి మలుపులు తిరిగింది? వీరి బంధం చివరకు ఏ తీరానికి చేరింది? అనేది యూత్‌ను ఎంతగానో ఆకట్టుకుంటుంది.

3. జై గణేష్ (ఇన్వెస్టిగేటివ్ మిస్టరీ థ్రిల్లర్):

ఓ చిన్న పిల్లాడి కిడ్నాప్ చుట్టూ తిరిగే గ్రిప్పింగ్ ఇన్వెస్టిగేషన్ థ్రిల్లర్. కిడ్నాప్ మిస్టరీని ఛేదించే క్రమంలో వచ్చే మలుపులు, నేరస్థుడిని పట్టుకునేందుకు ఇన్వెస్టిగేషన్ ఆఫీసర్ వేసే ఎత్తులు పైఎత్తులు ప్రేక్షకులను కట్టిపడేస్తాయి. క్లైమాక్స్ ట్విస్ట్‌లు థ్రిల్లర్ లవర్స్‌కు అదిరిపోయే కిక్ ఇస్తాయి.

లీగల్ థ్రిల్లర్, ఎమోషనల్ లవ్ స్టోరీ, ఇన్వెస్టిగేటివ్ క్రైమ్ డ్రామా.. ఇలా మూడు విభిన్న జానర్లలో రూపొందిన ఈ చిత్రాలను ఇంట్లోనే కూర్చుని, రూపాయి ఖర్చు లేకుండా ఫ్రీగా వీక్షించేందుకు ‘థియేటర్‌ ప్లస్’ సూపర్ ఛాన్స్ ఇస్తోంది. ఈ వీకెండ్‌కు అదిరిపోయే ఓటీటీ విందు రెడీగా ఉంది!

ఇవి కూడా చదవండి:

ఫెడరేషన్ అధ్యక్షుడిపై జానీ మాస్టర్ వైఫ్ సుమలత యుద్ధం మొదలు

జానీ మాస్టర్‌కు ఫిల్మ్ ఫెడరేషన్ షాక్: AIFEC సమావేశంలో కీలక తీర్మానం

Raashii Khanna: షారుఖ్ ఖాన్‌లా.. ఒక వారమైనా బతకాలనుంది