Ramayana: ప్రపంచవ్యాప్తంగా రామాయణ హవా.. బాక్సాఫీస్ వద్ద రికార్డుల వేట!

ABN , Publish Date - Nov 19 , 2026 | 04:13 PM

రణబీర్ కపూర్ నటించిన రామాయణ సినిమా బాక్సాఫీస్ వద్ద సంచలనం సృష్టిస్తోంది.

Ramayana

ఇండియన్ సినిమా స్థాయిని ప్రపంచ పటంలో మరోసారి సగర్వంగా నిలబెట్టిన భారీ దృశ్య కావ్యం రామాయణ (Ramayana). బాలీవుడ్ స్టార్ హీరో రణబీర్ కపూర్ (Ranbir Kapoor), దంగల్ ఫేమ్ దర్శకుడు నితీష్ తివారి (Nitesh Tiwari) కాంబినేషన్‌లో వచ్చిన ఈ చిత్రం ప్రపంచవ్యాప్తంగా ఎలాంటి సంచలనం సృష్టిస్తుందో ప్రత్యేకంగా చెప్పక్కర్లేదు. భారీ అంచనాల నడుమ ఇంటర్నేషనల్ స్టాండర్డ్స్‌తో తెరకెక్కిన ఈ విజువల్ వండర్, రిలీజైన మొదటి రోజు నుంచే బాక్సాఫీస్ వద్ద సరికొత్త రికార్డులను తిరగరాస్తోంది. ట్రేడ్ పండితుల లెక్కల ప్రకారం ఇప్పుడు ప్రపంచవ్యాప్తంగా థియేటర్లలో కేవలం రామాయణ నామస్మరణే వినిపిస్తోంది.

రిలీజ్ అయిన తొలి రోజు నుంచే రామాయణ సినిమాకు కనీవినీ ఎరుగని రీతిలో బుకింగ్స్ నమోదయ్యాయి. అడ్వాన్స్ బుకింగ్స్ తోనే సగం రికార్డులను బద్దలు కొట్టిన రామాయణ, మొదటి వారం మొత్తం హౌస్‌ఫుల్ బోర్డులతో నడిచింది. ఏ సెంటర్, బి సెంటర్ అనే తేడా లేకుండా అన్ని చోట్లా ప్రేక్షకులు బ్రహ్మరథం పట్టారు. సాధారణంగా భారీ చిత్రాలకు మొదటి వీకెండ్ తర్వాత కలెక్షన్స్ తగ్గుముఖం పడటం చూస్తుంటాం. కానీ రామాయణ విషయంలో వీక్‌డేస్‌లో కూడా అదే ఊపు కొనసాగింది. ఫ్యామిలీ ఆడియన్స్ థియేటర్లకు పోటెత్తడంతో వసూళ్ల సునామీ ఆగకుండా కొనసాగుతోంది. ఇక కలెక్షన్ల విషయానికి వస్తే, తాజాగా అందుతున్న సమాచారం ప్రకారం ఈ చిత్రం ఇండియా వైడ్ గా ఏకంగా 1000 కోట్ల గ్రాస్ మార్కును అత్యంత వేగంగా దాటేసినట్టు ట్రేడ్ వర్గాలు స్పష్టం చేస్తున్నాయి.

దేశీయ మార్కెట్ లోనే కాకుండా ఓవర్సీస్‌లోనూ రికార్డు స్థాయి వసూళ్లు నమోదవుతున్నాయి. నార్త్ అమెరికా, యూకే, గల్ఫ్, ఆస్ట్రేలియా ఇలా ప్రతి చోటా అత్యధిక వసూళ్లు సాధించిన భారతీయ చిత్రాల జాబితాలో టాప్ ప్లేస్‌కు చేరుకుంటోంది. వరల్డ్ వైడ్ గా ఇప్పటివరకు దాదాపు 1500 కోట్ల గ్రాస్ మార్కును సునాయాసంగా టచ్ చేసినట్టు తెలుస్తోంది. బాక్సాఫీస్ వద్ద ఈ రేంజ్ స్టడీ రన్ చూస్తుంటే, అనుకున్న 2000 కోట్ల భారీ టార్గెట్‌ను అందుకోవడం పెద్ద కష్టమేమీ కాదని విశ్లేషకులు భావిస్తున్నారు. ఓవరాల్‌గా చూస్తే, ఇండియన్ మైథాలజీని గ్లోబల్ ఆడియన్స్‌కు ఎలా చూపించాలో రామాయణ సినిమాతో చేసి చూపించారు. కలెక్షన్ల పరంగానే కాకుండా కంటెంట్ పరంగా కూడా మెప్పిస్తూ 2000 కోట్ల క్లబ్ వైపు పరుగులు తీస్తున్న ఈ సినిమా రానున్న రోజుల్లో ఇంకెన్ని సరికొత్త రికార్డులను సృష్టిస్తుందో చూడాలి.

Updated Date - Nov 19 , 2026 | 04:17 PM