O MANASAA VINTUNNAAVAA: ఓ మ‌న‌సా వింటున్నావా నా మాట‌.. ఈ పాటేంటి ఇంత బావుంది! మైండ్‌లో నుంచి.. ఇప్ప‌ట్లో పోయేలా లేదు

ఇటీవ‌ల యూట్యూబ్‌లో విడుద‌లైన ఓ ప్రేమ పాట సోష‌ల్ మీడియాను కుదిపేస్తోంది.

ఇటీవ‌ల యూట్యూబ్‌లో విడుద‌లైన ఓ ప్రేమ పాట సోష‌ల్ మీడియాను కుదిపేస్తోంది. సింఫుల్ లిరిక్స్, అంత‌కుమించిన సంగీతం, మృధు మ‌ధ‌ర‌మైన గాత్రం పాట వింటున్న శ్రోత‌ల‌ను మ‌రో లోకానికి తీసుకెళ్లి విహ‌రింప చేస్తున్నాయి. ఓ మ‌న‌సా వింటున్నావా నా మాట నా య‌ద స‌వ్వ‌డిలో విన‌ప‌డ‌లేదా నా పాట‌.. దోబూచూల దాగుడుమూత‌లతో నాతోనా నీ ఆట‌.. ఆటు ఇటు త‌డ‌బ‌డు ఆడుగులు ఏలా క‌న‌బ‌డ‌దా నా పాట‌.. నేను రాగాన్ని అయితే చెప్పు నా గానానికి, నేను అందెలన‌యితే చెప్పు నా నాట్యానికి, నేను కుంచెను అయితే చెప్పు నా చిత్రానికి, నా గానం నాట్య చిత్రం అన్నీ అత‌నే అని చెప్ప‌వే ఓ మ‌న‌సా.. ఓ మ‌న‌సా అంటూ సాగిన ఈ పాట క్ష‌ణాల్లోనే మ‌త్తు మందులా మైండ్‌కు ఎక్కేలా ఉంద‌న‌డంలో ఎలాంటి అతిశ‌యోక్తి లేదు.

రాజా (RAJA) అనే లిరిసిస్ట్ ఈ పాట‌కు సాహిత్యం అందించ‌గా మ‌హ‌ర్షి (Maharshi M) సంగీతంలో ర‌మ్య కే (Ramya K) ఆల‌పించింది. మేఘ‌న (MEGHANA) అనే టెక్నిషియ‌న్‌ ఈ గేయానికి ద‌ర్శ‌క‌త్వం చేయ‌డంతో పాటు, ఎడిటింగ్‌, డీవోపీ వంటి విధులు కూడా నిర్వ‌హించ‌డం విశేషం. ఓ మ‌ర‌దలు త‌న బావ‌పై అంత‌ర్లీనంగా దాగి ఉన్న ప్రేమ‌ను వెలిబుచ్చుతూ సిగ్గు ప‌డుతూ ఆల‌పించే గీతంగా ఈ పాట సాగిన విధానం బావుంది. అలాగే పాట‌లో వ‌ర్ణ‌న‌లు కూడా అద్భుతంగా ఉన్నాయి. ఇంకెందుకు ఆల‌స్యం మీరూ ఓ మారు ఈ పాట వినేందుకు ప్ర‌య‌త్నించండి.. వ‌రుస‌బెట్టి అదే ప‌నిగా మ‌ళ్లీ మ‌ళ్లీ విన‌కుండా ఆగ‌కుండా, ఉండ‌లేరు.