Vrusshabha: వృషభ నుంచి 'చిన్ని చిన్ని' లవ్ సాంగ్ వచ్చేసింది
ABN, Publish Date - Dec 23 , 2025 | 02:25 PM
మలయాళ స్టార్ హీరో మోహన్ లాల్ నటిస్తున్న ప్రెస్జీజియస్ మూవీ 'వృషభ'. ఈ నెల 25న గీతా ఫిలిం డిస్ట్రిబ్యూషన్ గ్రాండ్ థియేట్రికల్ రిలీజ్ కు తీసుకొస్తోంది. పునర్జన్మల నేపథ్యంతో హై టెక్నికల్ వ్యాల్యూస్ తో నందకిషోర్ మలయాళం, తెలుగులో తెరకెక్కించారు. కన్నెక్ట్ మీడియా, బాలాజీ టెలిఫిల్మ్స్, అభిషేక్ ఎస్ వ్యాస్ స్టూడియోస్ బ్యానర్లపై శోభా కపూర్, ఏక్తా ఆర్ కపూర్, సి.కె. పద్మ కుమార్, వరుణ్ మాథుర్, సౌరభ్ మిశ్రా, అభిషేక్ ఎస్ వ్యాస్, ప్రవీర్ సింగ్, విశాల్ గుర్నాని, జూహి పరేఖ్ మెహతా నిర్మిస్తున్నారు. మంగళవారం 'చిన్ని చిన్ని' అంటూ సాగే లవ్ సాంగ్ ను విడుదల చేశారు. సమర్జీత్ లంకేష్, నయన్ సారికపై చిత్రీకరించిన ఈ సాంగ్ కు కల్యాణ్ చక్రవర్తి లిరిక్స్ రాయగా, అనురాగ్ కులకర్ణి మంచి లవ్ ఫీల్ తో పాడారు. సామ్ సీఎస్ ఛాట్ బస్టర్ ట్యూన్ తో కంపోజ్ చేశారు.