Naga Shaurya: 'బ్యాడ్ బోయ్ కార్తీక్' నుండి మెలోడీ సాంగ్...

నాగ శౌర్య (Naga Shaurya), విధి (Vidhi) జంటగా నటిస్తున్న సినిమా 'బ్యాడ్ బోయ్ కార్తీక్' (Bad Boy Karthik). ఇటీవల విడుదలైన 'సుందరకాండ' (Sundarakanda) లో హీరోయిన్ గా నటించిన శ్రీదేవి విజయ్ కుమార్ (Sridevi Vijay Kumar) ఈ సినిమాలో నాగశౌర్య సోదరిగా నటిస్తోంది. సాయికుమార్, పూర్ణ కీలక పాత్రలను పోషిస్తున్నారు. వైష్ణవి ఫిలిమ్స్ బ్యానర్ పై నిర్మితమౌతున్న ఈ సినిమాను రామ్ దేసిన (రమేష్) డైరెక్ట్ చేస్తున్నారు. హ్యారీస్ జైరాజ్ సంగీతం సమకూర్చిన ఈ సినిమాలోని మెలోడీ సాంగ్ 'పొమ్మంటే...'ను గురువారం మేకర్స్ రిలీజ్ చేశారు. చంద్రబోస్ రాసిన ఈ పాటను విజయ్ ఏసుదాస్, శక్తిశ్రీ గోపాలన్ పాడారు. త్వరలోనే ఈ సినిమాను విడుదల చేస్తామని నిర్మాతలు శ్రీనివాసరావు చింతలపూడి, విజయ్ కుమార్ చింతలపూడి, డా. అశోక్ కుమార్ చింతలపూడి తెలిపారు.