Naa Anveshana: తగ్గని.. నా అన్వేషణ! దొంగ నా కొడకల్లారా.. అంటూ మరో వీడియో! సగానికి తగ్గిన ఫాలోవర్లు
ABN, Publish Date - Dec 30 , 2025 | 10:59 PM
ఇటీవల శివాజీ ఘటన ఆపై అనసూయ, చిన్మయి, నాగబాబు వంటి వారు రియాక్ట్ అవడం వంటి అంశాలు గత వారం రోజులుగా సోషల్ మీడియాను కుదిపేస్తున్నాయి.
ఇటీవల శివాజీ ఘటన ఆపై అనసూయ, చిన్మయి, నాగబాబు వంటి వారు రియాక్ట్ అవడం వంటి అంశాలు గత వారం రోజులుగా సోషల్ మీడియాను కుదిపేస్తున్నాయి.అంతేగాక ఏ చానల్ చూసిన ఈ విషయంలో చర్చాగోస్టులు చేస్తున్నారంటే పరిస్థితి ఏ రేంజ్లో ఉందో అర్థం చేసుకోవచ్చు. ఈక్రమంలో తాజాగా యూట్యూబ్ ఇన్ఫ్లూయన్సర్ నా అన్వేషణ (Naa Anveshana) రంగంలోకి వచ్చి శివాజీ (Shivaji), గరికపాటి నరసింహా రావు (Garikipati Narasimha Rao) లపై అసభ్యకర పదజాలంతో విరుచుకు పడ్డాడు.
అంతేగాక ఓ అడుగు ముందుకేసి హిందువులు దేవుళ్లుగా పూజించే సీతా దేవి, ద్రౌపదిలపై సగటు తెలుగు వారు వినలేని రీతిలో దుర్భాషలాడాడు. ఇందుకు సంబంధించిన వీడియో సోషల్ మీడియాలో బాగా వైరల్ అయింది. ఈ క్రమంలో అతనిని ఫాలో అయ్యేవారితో పాటు ఇంకా అనేక మంది తెలుగు ప్రజలు తీవ్ర స్థాయిలో స్పందిస్తున్నారు. కనిపిస్తే కొట్టేలా ఇంకా ముందుకెళ్లి చంపేంతగా ఆగ్రహావేశాలతో రగిలి పోతున్నారు.
ఈనేపథ్యంలో.. గరికపాటి టీం స్పందించింది. మా గురువు గారు ఎప్పుడో చెప్పిన మాటలను, ఫొటోలను ఇప్పటి సమస్యలకు జత చేసి అన్య పద్ధతుల్లో విపరీతంగా వైరల్ చేస్తున్నారని ముఖ్యంగా అనుచిత వ్యాఖ్యలు చేసిన అన్వేష్పై చర్యలు తీసుకోవాలంటూ ఫిర్యాదు చేశారు. మరోవైపు ఇంతా జరుగుతున్నా నా అన్వేషణ ఇంకా భారతదేశాన్ని అవమానించేలా వీడియోలు పెడుతూ నేను ఇలానే రోజుకు 5 వీడియోలు పెడతా మీరెన్ని కామెంట్లు పెట్టుకుంటారో పెట్టుకోండి నేను ఇలానే ఉంటా అంటూ వీడియోలు పెడుతూనే ఉన్నాడు.
ఇదిలాఉంటే.. తాజాగా దేవుళ్లపై చేసిన వ్యాఖ్యల నేపథ్యంలో రెండు రాష్ట్రాలు అట్టుడికి పోతున్నాయి. ఎవరైతే అతనిని ఫాలో అవుతున్నారో అంతా వెంటనే బయటకు రావాలని, అన్ఫాలో చేయాలనే పిలుపు సైతం వచ్చింది. దీంతో ఇన్ స్టా, యూట్యూబ్లలో మూడేసి మిలియన్లకు పైగా ఉన్న ఫాలోవర్లు క్రమంగా తగ్లుతూ 1 మిలియన్కు వచ్చేయడం గమనార్హం. ఇప్పుడున్న సిట్యువేషన్ చూస్తుంటే రెండు రోజుల్లో వెయ్యి లోపు వచ్చేలా కనిపిస్తోంది.