Vaanara: 'వానర' నుండి సెకండ్ సింగిల్ 'లబొరే లబొరే...'

వానర నుండి సెకండ్ సింగిల్ 'లబొరే లబొరే' సాంగ్ విడుదలైంది. దీన్ని భరద్వాజ్ గాలి రాయగా, వివేక్ సాగర్ స్వరకల్పన చేశారు.

అవినాష్ తిరువీధుల హీరోగా, దర్శకుడిగా పరిచయమవుతున్న సినిమా 'వానర'. ఈ చిత్రంలో సిమ్రాన్ చౌదరి హీరోయిన్ గా నటిస్తోంది. నందు ప్రతినాయకుడిగా కనిపించనున్నారు. ఈ చిత్రాన్ని శంతను పత్తి సమర్పణలో అవినాష్ బుయానీ, ఆలపాటి రాజా, సి. అంకిత్ రెడ్డి నిర్మిస్తున్నారు. సాయిమాధవ్ బుర్రా డైలాగ్స్, వివేక్ సాగర్ మ్యూజిక్ అందిస్తున్న ఈ మైథలాజికల్ రూరల్ డ్రామా న్యూ ఇయర్ సందర్భంగా జనవరి 1న వరల్డ్ వైడ్ గ్రాండ్ థియేట్రికల్ రిలీజ్ కు రెడీ అవుతోంది.

తాజాగా ఈ సినిమా నుంచి సెకండ్ సింగిల్ 'లబొరే లబొరే..' ను రిలీజ్ చేశారు. ఈ పాటను మంచి బీట్ తో మ్యూజిక్ డైరెక్టర్ వివేక్ సాగర్ కంపోజ్ చేశారు. భరద్వాజ్ గాలి సిచ్యువేషన్ కు తగిన యాప్ట్ లిరిక్స్ అందించారు. రాహుల్ సిప్లిగంజ్, సాయి మాధవ్ ఎనర్జిటిక్ గా పాడారు. 'లబొరే లబొరే..' పాట ఎలా ఉందో చూస్తే - ' సూడు సూడు మల్లేషు, జుర్రుకుంటా పుల్లైసు, మన వానర వీరుని కహానీ, ఆ లంకను భయపెట్టిన శివుడిని, అరె తోక తోటి కొట్టింది, సింహిక పనిపట్టింది, అనిలాత్మజ హనుములవారే, అరె జెండాపై కపిరాజే రే, లబొరే లబొరే లబ లబ లబ....' అంటూ ఆకట్టుకుంటుందీ పాట.

ఇందులో ఇతర ప్రధాన పాత్రలను సిమ్రాన్ చౌదరి, నందు, 'ఖడ్గం' పృథ్వీ, కోన వెంకట్, సత్య, ఆమని, శివాజీ రాజా, ఛమ్మక్ చంద్ర, రచ్చ రవి తదితరులు పోషిస్తున్నారు.