Vaaranaasi: టైటిల్ వివాదం.. చివరకు ఇలా ముగిసింది

సూపర్ స్టార్ మహేష్ బాబు(Mahesh Babu) - రాజమౌళి(Rajamouli) కాంబోలో తెరకెక్కుతున్న చిత్రం వారణాసి (Vaaranaasi). ఈ సినిమా టైటిల్ ను అనౌన్స్ చేయకముందే.. మరొక సినిమాకు వారణాసి అనే టైటిల్ ని అనౌన్స్ చేశారు.

Vaaranaasi: సూపర్ స్టార్ మహేష్ బాబు(Mahesh Babu) - రాజమౌళి(Rajamouli) కాంబోలో తెరకెక్కుతున్న చిత్రం వారణాసి (Vaaranaasi). ఈ సినిమా టైటిల్ ను అనౌన్స్ చేయకముందే.. మరొక సినిమాకు వారణాసి అనే టైటిల్ ని అనౌన్స్ చేశారు. వైవీ సుబ్బారెడ్డి దర్శకత్వం వహిస్తున్న ఈ సినిమా ప్రస్తుతం స్క్రిప్ట్ పనుల్లో బిజీగా ఉన్నట్లు సమాచారం. ఈ సినిమా టైటిల్ ని అనౌన్స్ చేసిన రెండు రోజులకే రాజమౌళి తన సినిమా టైటిల్ కూడా వారణాసి అని అనౌన్స్ చేసిన విషయం తెల్సిందే. దీంతో వైవీ సుబ్బారెడ్డి.. తమ టైటిల్ ని కాపీ చేశారని ఫిల్మ్ ఛాంబర్ లో ఫిర్యాదు చేయడం జరిగింది.

ఇప్పటికే గ్లోబ్ ట్రాటర్ ఈవెంట్ లో రాజమౌళి హనుమంతుని గురించి మాట్లాడిన ఒక్క మాట ఎంత పెద్ద వివాదానికి దారితీసిందో అందరికి తెల్సిందే. దేవుడు ఉంటే ఇదేనా చేసేది అని అసహనంలో ఆయన అన్న మాట హిందూ సంఘాలను రెచ్చగొట్టాయి. జక్కన్న సారీ చెప్పాలి.. లేకపోతే సినిమాను ఆపేస్తాం అంటూ డిమాండ్ చేశారు. ఇప్పటివరకు దీనిపై రాజమౌళి స్పందించలేదు. ఇక ఆ సమయంలోనే పుండు మీద కారం చల్లినట్లు ఈ కేసు కూడా రాజమౌళికి పెద్ద సమస్యగా మారింది.

ఇక ఎట్టకేలకు ఈ టైటిల్ వివాదం సద్దుమణిగినట్లు తెలుస్తోంది. తెలుగులో వారణాసి టైటిల్ ను రాజమౌళి కానీ, వైవీ సుబ్బారెడ్డి కానీ మార్చాల్సిన అవసరం లేకుండా చిన్న సర్దుబాటు చేసి రెండు సినిమాలకు ఒకే టైటిల్ ను ఫిక్స్ చేసినట్లు సమాచారం. మొదట వైవీ సుబ్బారెడ్డి వారణాసి టైటిల్ ను రిజిస్టర్ చేయడంతో.. ఆయన సినిమా అదే టైటిల్ తో రిలీజ్ కానుంది. ఇక మహేష్ బాబు - రాజమౌళి వారణాసి మాత్రం తెలుగులో రాజమౌళి వారణాసి అనే పేరుతో రిలీజ్ కానుంది. మిగతా అన్ని భాషల్లో వారణాసి పేరుతోనే రిలీజ్ కానుంది. దీంతో ఈ వివాదానికి ఫుల్ స్టాప్ పడినట్టే.