Spirit: స్పిరిట్ లో ఐటెంసాంగ్.. ఈ హీరోయిన్ తో చేయిస్తారని అస్సలు అనుకోలేదే

పాన్ ఇండియా స్టార్ ప్రభాస్ (Prabhas), త్రిప్తి డిమ్రి(Tripti Dimri) జంటగా సందీప్ రెడ్డి వంగా(Sandeep Reddy Vanga) దర్శకత్వంలో తెరకెక్కుతున్న చిత్రం స్పిరిట్(Spirit)

Spirit: పాన్ ఇండియా స్టార్ ప్రభాస్ (Prabhas), త్రిప్తి డిమ్రి(Tripti Dimri) జంటగా సందీప్ రెడ్డి వంగా(Sandeep Reddy Vanga) దర్శకత్వంలో తెరకెక్కుతున్న చిత్రం స్పిరిట్(Spirit). ఈ సినిమాలో వివేక్ ఒబెరాయ్ విలన్ గా నటిస్తున్నాడు. ఈ మధ్యనే పూజా కార్యక్రమాలను ఫినిష్ చేసిన ఈ సినిమా షూటింగ్ కూడా మొదలుపెట్టింది. ఎప్పటినుంచో స్పిరిట్ సినిమా కోసం అభిమానులు ఎదురుచూస్తున్నారు. మొట్ట మొదటిసారి ప్రభాస్ పవర్ ఫుల్ పోలీసాఫీసర్ పాత్రలో నటిస్తున్నాడు. ఇప్పటికే ఈ చిత్రం నుంచి రిలీజ్ అయిన ఆడియో గ్లింప్స్ రికార్డులు సృష్టించిన విషయం తెల్సిందే.

స్పిరిట్ నుంచి ఏ చిన్న వార్త వచ్చినా సోషల్ మీడియాలో వైరల్ గా మారిపోతుంది. ఇక తాజాగా స్పిరిట్ లో సందీప్ రెడ్డి వంగా ఒక ఐటెం సాంగ్ ను ప్లాన్ చేసినట్లు సమాచారం. ప్రభాస్.. ఐటెంసాంగ్స్ కు ఒక స్పెషల్ కనెక్షన్ ఉంటుంది. యోగి దగ్గర నుంచి సాహో వరకు ఐటెంభామలతో ప్రభాస్ డ్యాన్స్ కి సపరేట్ ఫ్యాన్ బేస్ ఉంది అని చెప్పాలి. సాహో తరువాత డార్లింగ్ చేసిన ఏ సినిమాలో కూడా ఐటెంసాంగ్ లేదు. అవి అలాంటి కథలు కావడంతో ఫ్యాన్స్ కూడా అంతగా అభ్యంతరం చెప్పలేదు.

ఇక ఇప్పుడు వంగా.. స్పిరిట్ లో ఐటెంసాంగ్ కచ్చితంగా ఉండాలని ప్లాన్ చేశాడట. అయితే ఈసారి అలాంటి ఇలాంటి హీరోయిన్ ని కాకుండా అసలు ఎవరు ఊహించని హీరోయిన్ ను దించుతున్నాడని టాక్ నడుస్తోంది. సాధారణంగా ఇప్పటివరకు బాలీవుడ్ లో జాక్వెలిన్, నోరా ఫతేహి, మలైకా అరోరా.. లాంటి ఐటెంభామలే తెలుగులో ఐటెంసాంగ్స్ చేశారు. ఇక ఇప్పుడు వారి లిస్ట్ లోకి హ్యూమా ఖురేషి కూడా చేరింది. కాలా సినిమాతో తెలుగు, తమిళ్ వారికి సుపరిచితమైన ఈ హాట్ బ్యూటీ స్పిరిట్ లో ప్రభాస్ తో స్టెప్పులు వేయనుందంట. డార్లింగ్ సినిమా అనగానే హ్యూమా వెంటనే ఓకే చెప్పిందని టాక్. ఏదిఏమైనా వంగా స్పిరిట్ ని గ్లామర్ తో నింపేస్తున్నాడు. మరి ఈ సినిమాతో ప్రభాస్ ఎలాంటి రికార్డులను సృష్టిస్తాడో చూడాలి.