Teja Sajja: ‘మిరాయ్‌’ సక్సెస్‌తో తేజాకు అక్కడ మార్కెట్‌ పెరిగినట్టే..
ABN, Publish Date - Sep 15 , 2025 | 05:36 PM
యంగ్‌ హీరో తేజ సజ్జా పాన్‌ ఇండియా రేంజ్‌లో రీసౌండ్‌ వచ్చేలా చేశాడు. హనుమాన్‌ హిట్‌ తర్వాత ఆయన నటించిన ‘మిరాయ్‌’ బ్లాక్‌బస్టర్‌ హిట్టైంది.
యంగ్‌ హీరో తేజ సజ్జా (Teja Sajja) పాన్‌ ఇండియా రేంజ్‌లో రీసౌండ్‌ వచ్చేలా చేశాడు. హనుమాన్‌ హిట్‌ తర్వాత ఆయన నటించిన ‘మిరాయ్‌’(mirai) బ్లాక్‌బస్టర్‌ హిట్టైంది. కార్తిక్‌ ఘట్టమనేని (Karthik Ghattamaneni) దర్శకత్వంలో విజువల్‌ వండర్‌గా టీజీ విశ్వ్రపసాద్‌ నిర్మించిన ఈ చిత్రం తొలి రోజు వరల్డ్‌వైడ్‌ 27.20 కోట్ల గ్రాస్‌ వసూలు చేసి భారీ ఓపెనింగ్స్‌ తెచ్చిన సినిమాగా నిలిచింది. రెండో రోజు మరింత ఎక్కువ వసూలు చేసింది. ఈ సినిమా రెండు రోజుల్లో 55.66 కోట్ల గ్రాస్‌ కలెక్ట్‌ చేసింది. మూడో రోజు కూడా లెక్క పెరిగింది. మొత్తంగా ప్రపంచ వ్యాప్తంగా ఫస్ట్‌ వీకెండ్‌లో 81.2 కోట్ల గ్రాస్‌ వసూళ్లు చేసి లాభాల దిశగా దూసుకుపోతోంది మిరాయ్‌. ఓవర్సీస్‌లోను 2 మిలియన్‌ మార్క్‌కు చేరువలో ఉంది.
హిందీలో మాత్రం తేజ సజ్జా సంచలనం సృష్టించాడనే చెప్పాలి. ఇప్పటి వరకు హిందీ మార్కెట్‌లో పాన్‌ ఇండియా హీరోలు ప్రభాస్‌, రామ్‌చరణ్‌, తారక్‌, అల్లు అర్జున్‌ మాత్రమే సత్తా చాటారు. మిరాయ్‌ బాలీవుడ్‌లో సాధించిన విజయాన్ని బట్టి కలెక్షన్ల విషయంలో తేజ సజ్జా వాళ్ల దగ్గరకు చేరాడనే చెప్పాలి. హనుమాన్‌ సినిమాతో నార్త్‌ బెల్ట్‌లో మంచి ఫాలోయింగ్‌తోపాటు తనకంటూ సపరేట్‌ మార్కెట్‌ క్రియేట్‌ చేసుకున్న తేజ.. మిరాయ్‌తో దాన్ని రెట్టింపు చేసుకున్నాడు. దానికి నిదర్శనం మిరాయ్‌ హిందీ వసూళ్లు. బాలీవుడ్‌ బాక్సాఫీస్‌ దగ్గర మూడు రోజుల్లోనే 10 కోట్లు కలెక్ట్‌ చేసిందీ సినిమా. దీంతో తెలుగు నుంచి ప్రభాస్‌, రామ్‌ చరణ్‌, తారక్‌, అల్లు అర్జున్‌ వంటి దిగ్గజాల తర్వాత ఈ స్థాయి విజయాన్ని సాధించిన ఏకైక హీరోగా తేజా నిలిచాడు. ఈ ఘనత అతని కెరీర్‌లో ఒక మైల్‌స్టోన్‌ మాత్రమే కాదు. పాన్‌ ఇండియా లెవల్లో నెక్స్ట్‌ బిగ్‌ థింగ్‌ అనే సామర్థ్యాన్ని సూచిస్తుంది.