Sukumar Writings: సుకుమార్ రైటింగ్స్‌కు.. ప‌దేళ్లు! లైన్‌లో.. ఆరు కొత్త చిత్రాలు
ABN, Publish Date - Sep 19 , 2025 | 12:22 PM
విజయాలకు కేరాఫ్‌ అడ్రస్‌గా నిలుస్తూ పది వసంతాలు పూర్తిచేసుకుంది సుకుమార్ రైటింగ్స్.
పుష్ప ఫ్రాంచైజీతో “ఆల్ టైం ఇండియన్ ఇండస్ట్రీ హిట్” స్థాయికి చేరిన దర్శకుడు సుకుమార్ (Sukumar). తెలుగు రాష్ట్రాలకే కాకుండా జాతీయ స్థాయిలో కూడా కల్ట్ ఫిల్మ్ మేకర్‌గా గుర్తింపు పొందారు. అయితే తెలుగు ప్రేక్షకుల దృష్టిలో సుకుమార్ గొప్పతనం బాక్సాఫీస్ విజయాలకు, స్టార్‌డమ్‌కి మించి ఉంది. ఒకవైపు స్టార్‌ హీరోల చిత్రాలకు దర్శకత్వం వహిస్తూనే మరో వైపు సుకుమార్ రైటింగ్స్ (Sukumar writings) బ్యానర్‌ ద్వారా క్రేజీ పాన్‌ ఇండియా చిత్రాలతో పాటు కొత్తదనంతో కూడిన వైవిధ్యమైన చిత్రాలను అందించడంలోనూ సుకుమార్ ముందు వ‌రుస‌లో ఉన్నాడు.
ఇప్పటి వరకు ఈ పది వసంతాల కాలంలో సుకుమార్ రైటింగ్స్‌లో కుమారి 21F (Kumari 21F), ఉప్పెన (Uppena), విరూపాక్ష (Virupaksha), 18 పేజెస్, పుష్ప-2 (Pushpa 2 The Rule), గాంధీ తాత చెట్టు వంటి బ్లాక్‌బస్టర్‌ చిత్రాలు అగ్ర నిర్మాణ సంస్థల నిర్మాణ భాగస్వామ్యంలో సుకుమార్ రైటింగ్స్ బ్యానర్‌పై రూపొందాయి. ఈ సినిమాల ద్వారా కొత్త టాలెంట్‌ను పరిచయం చేయడంతో పాటు, తెలుగు సినిమాకి కొత్త ఈజ్‌ను తీసుకువ‌చ్చారు.
ఈ ప్రయాణంలో అత్యంత ప్రతిష్టాత్మక విజయంగా నిలిచింది పుష్ప 2: ది రూల్. ఈ చిత్రం భారతదేశం మొత్తంలోనే కాకుండా విదేశాల్లో కూడా రికార్డులు బద్దలు కొట్టింది. బాక్సాఫీస్‌ను దాటి మ‌రి కొత్త ప్ర‌పంచాన్నే సృష్టించింది. సుకుమార్ సృజనాత్మకత ఎంత వరకు వెళ్తుందో స్పష్టంగా చూపించింది. అంతేకాదు సుకుమార్ రైటింగ్స్ బ్యానర్‌ నిర్మాణ విలువలు కూడా చాటిచెప్పింది.
ఇప్పుడు భారతదేశం అంతా ఎదురు చూస్తున్న ప్రాజెక్టులలో ఒకటి గోబ్లల్‌ స్టార్‌ రామ్ చరణ్ హీరోగా బుచ్చిబాబు సానా దర్శకత్వంలో రూపొందుతున్న పెద్ది (Peddi) సినిమా సైతం సుకుమార్ రైటింగ్స్ నిర్మాణ భాగస్వామ్యంలో తెరకెక్కుతోండ‌డం విశేషం. అలాగే, యువ సామ్రాట్‌ నాగచైతన్య హీరోగా దర్శకుడు కార్తీక్ దండు రూపొందిస్తున్న తాజా చిత్రంలో కూడా సుకుమార్ రైటింగ్స్ భాగస్వామంగా ఉంది.
ప్రస్తుతం సుకుమార్ గ్లోబల్‌ స్టార్‌ రామ్ చరణ్‌తో తెరకెక్కే కొత్త చిత్రానికి స్క్రిప్ట్ సిద్ధం చేస్తూ, ప్రీ-విజువలైజేషన్ పనుల్లో నిమగ్నంగా ఉన్నారు. అంతేకాదు.. ఈ చిత్రానికి దర్శకత్వంతో పాటు సుకుమార్ రైటింగ్‌ నిర్మాణ భాగస్వామ్యంగా కూడా ఉంది. అందుతున్న సమాచారం ప్రకారం, ఇంకా ఆరు స్క్రిప్టులు నిర్మాణానికి సుకుమార్ రైటింగ్స్‌పై తెరకెక్కడానికి సిద్ధంగా ఉన్నట్లు తెలుస్తోంది. ఈ ఆరు కథలు కూడా దేశవ్యాప్తంగా ప్రభావం చూపగల సామర్థ్యం కలిగి ఉన్నాయని పేర్కొంటున్నారు.
సుకుమార్ రైటింగ్స్ (Sukumar writings)10వ సంవత్సరంలోకి ప్రవేశిస్తున్న సమయంలో, ఈ సంస్థ కొత్త ప్రతిభను ప్రోత్సహిస్తూ, యూనివర్శల్‌గా అందరిని మెప్పించే భావోద్వేగపూరిత కథలు ప్రేక్ష‌కుల‌కు చెబుతూ తెలుగు సినిమా స్థాయిని మరో మెట్టు ఎక్కించే దిశలో ఉంది అన‌డంలే ఎలాంటి సందేహం లేదు.