SPB: రవీంద్రభారతిలో ఎస్పీ బాలసుబ్రహ్మణ్యం విగ్రహం.. సీఎం రేవంత్ రెడ్డిని క‌లిసిన శుభలేఖ సుధాకర్
ABN, Publish Date - Nov 30 , 2025 | 07:37 AM
ప్ర‌ముఖ న‌టుడు శుభలేఖ సుధాకర్ (Subhalekha Sudhakar) శనివారం తెలంగాణ ముఖ్య‌మంత్రి రేవంత్ రెడ్డి (CM Revanth Reddy) ని మ‌ర్యాద పూర్వ‌కంగా క‌లిశారు.
ప్ర‌ముఖ న‌టుడు శుభలేఖ సుధాకర్ (Subhalekha Sudhakar) శనివారం తెలంగాణ ముఖ్య‌మంత్రి రేవంత్ రెడ్డి (CM Revanth Reddy) ని మ‌ర్యాద పూర్వ‌కంగా క‌లిశారు. ఈ సంద‌ర్బంగా రవీంద్రభారతి (Ravindra Bharathi) ప్రాంగణంలో దివంగ‌త గాన గంధ‌ర్వ ఎస్పీ బాలసుబ్రహ్మణ్యం (S. P. Balasubrahmanyam) విగ్రహం ఏర్పాటుకు అనుమ‌తిని ఇచ్చినందుకు ప్ర‌త్యేకంగా కృత‌జ్ఞ‌త‌లు తెలిపారు. డిసెంబ‌ర్‌15న విష్క‌ర‌ణ కార్య‌క్ర‌మానికి రావాల‌ని ఆహ్వానించారు.
ఇదిలాఉంటే.. రవీంద్రభారతిలో జ‌రుగుతున్న ఎస్పీ బాలసుబ్రహ్మణ్యం విగ్రహ ఏర్పాట్ల పనులను మంత్రి జూపల్లి కృష్ణారావు శనివారం పరిశీలించారు. విగ్రహ నిర్మాణం, కళాత్మక రూపకల్పన, ప్రతిష్ఠాపన పనులపై సంతృప్తి వ్యక్తం చేశారు. భారతీయ సంగీత ప్రపంచానికి బాలు చేసిన సేవలు అపూర్వం అని, ఈ విగ్రహం. యువ కళాకారులకు ప్రేరణగా నిలవనుందని పేర్కొన్నారు.