Shriya Saran: 'మిస్టర్ రోమియో' టీజర్ లాంచ్ చేసిన శ్రియా

మనోజ్ కుమార్ కటోకర్ దర్శకత్వంలో నేతి శ్యామ్ సుందర్ నిర్మించిన మ్యూజికల్ షార్ట్ ఫిల్మ్ 'మిస్టర్ రోమియో' (Mr Romeo). ఏ రీల్ లైఫ్ స్టోరీ అనేది దీని ట్యాగ్ లైన్.

గురుచరణ్ నేతి (Guru Charan Nethi), జుహీ భట్ (Juhi Bhatt), అమిషి రాఘవ్ హీరో హీరోయిన్స్ గా నటించిన ఈ షార్ట్ ఫిల్మ్ లో ఎస్ కే ఖాదర్, నవనీత్ బన్సాలి, కుల్దీప్ రాజ్ పురోహిత్ ముఖ్య పాత్రల్లో నటించారు. చైతన్య గరికిన స్క్రీన్ ప్లే, డైలాగ్స్ అందించారు. ప్రజ్వల్ క్రిష్ దీనికి సంగీతం అందించారు. గురువారం ఈ మూవీ టీజర్ రిలీజ్ చేసిన హీరోయిన్ శ్రియా శరణ్ (Shriya Saran) టీమ్ కు బెస్ట్ విషెస్ చెప్పారు.

ఈ సందర్భంగా హీరో గురు చరణ్ నేతి మాట్లాడుతూ, 'ఇదొక క్యూట్ లవ్ స్టోరీ. మనోజ్ కుమార్ గారు షార్ట్ ఫిల్మ్ ను అద్భుతంగా రూపొందిస్తున్నారు. యువతను ఆకట్టుకునే అన్ని ఎలిమెంట్స్ ఇందులో ఉంటాయి. దీని కోసం చాలా కష్టపడ్డాం. ప్యాషనేట్ టీం తో చేసిన ఈ ఫిలిం అందరికీ నచ్చేలా ఉంటుంది. మమ్మల్ని బ్లెస్ చేయడానికి వచ్చిన శ్రియ గారికి, కరుణ కుమార్ గారికి ధన్యవాదాలు' అని చెప్పారు. దర్శకుడు మనోజ్ కుమార్ మాట్లాడుతూ, 'ఇది చిన్న సినిమా అయినా విజువల్ గా మాత్రం పెద్ద సినిమా చూసిన అనుభవం కలుగుతుంది. సినిమా మొత్తం ఆల్మోస్ట్ పూర్తయిపోయింది. ప్రస్తుతం ఆర్.ఆర్. వర్క్ జరుగుతుంది. మరో నెలలో రిలీజ్ కు ప్లాన్ చేస్తున్నాం. గురు చరణ్ ను సినిమాల్లో లాంచ్ చేయడానికి ముందుగా ఇలాంటి మ్యూజికల్ ఫిలిం ద్వారా ప్రేక్షకులకు పరిచయం చేయాలని అనుకున్నాం. వారి తండ్రి శ్యామ్ సుందర్ చాలా సపోర్ట్ చేశారు. గురు చరణ్ చాలా ఎనర్జిటిక్ గా నటించాడు. తన పర్ఫార్మెన్స్ అందరూ మెచ్చేలా ఉంటుంది. తను తప్పకుండా పెద్ద హీరో అవుతాడు. తనలో టాలెంట్ చాలా ఉంది. అందరూ ఎంకరేజ్ చేయాలని కోరుకుంటున్నా. విజువల్ గా మేం ఊహించిన దానికంటే డబుల్ రిజల్ట్ ను అందించాడు సినిమాటోగ్రాఫర్ చందు. తను భవిష్యత్తులో బెస్ట్ టెక్నీషియన్ గా ఎదుగుతాడు' అని అన్నారు.

ఈ కార్యక్రమంలో పాల్గొన్న దర్శకుడు కరుణకుమార్ (Karuna Kumar) మాట్లాడుతూ, 'సినిమాల్లో చిన్నది పెద్దది అని తేడా ఉండదు. అది క్రియేట్ చేసే వండర్స్ ను బట్టి అది లెక్కలోకి వస్తుంది. మనోజ్ గారితో నాకు ఎప్పటినుంచో పరిచయం ఉంది. యంగ్ జనరేషన్ కి నచ్చేలా ఈ ఫిలిం ను రూపొందించారు. ఒక ఫ్యాషన్ ఫోటోగ్రాఫర్ గా ఆయనకున్న అనుభవాన్ని ఈ చిత్రం ద్వారా చూపించారు. ఈ సినిమా చాలా బాగుండటమే కాదు కొత్త ఒరవడిని సృష్టించబోతుంది. గురు చరణ్ కి మొదటి సినిమా అయినా చాలా బాగా నటించారు. తను భవిష్యత్తులో మరింత పెద్ద హీరో అవుతాడని ఆశిస్తున్నాను' అని చెప్పారు. శ్రియా శరణ్ మాట్లాడుతూ, 'టీజర్ చాలా బాగుంది. మూవీ కూడా బ్యూటిఫుల్ గా ఉంటుంది. గురు చరణ్ అద్భుతంగా నటించారు. తనలో మంచి నటుడు ఉన్నాడు. టీజర్ లో కార్తీక్ గా కనిపించిన చరణ్ నటన బాగుంది. 'నాకు రియల్ లవ్ కావాలి. రీల్స్ లవ్ కాదు' అని చరణ్ చెప్పే డైలాగ్ అందర్నీ ఆకట్టుకుంటుంది. హీరోగా తను మరిన్ని సినిమాలు తీయాలని కోరుతూ ఆల్ ది బెస్ట్. డైరెక్టర్ మనోజ్ తో ఎప్పుడు మాట్లాడినా సినిమాలు, కథలు గురించే చెబుతారు. ఇప్పుడు ఒక బ్యూటిఫుల్ లవ్ స్టోరీని తీశారు. ఈ కథ యూత్ ని మెస్మరైజ్ చేసేలా ఉంటుంది. యంగ్ టీమ్ అంతా కలిసి చేసిన ఈ మూవీ అందరికీ నచ్చుతుంది. ఇందులో పార్ట్ అయిన ప్రతి ఒక్కరికి ఈ చిత్రం విజయం సాధించి అందరికీ మంచి పేరు తీసుకురావాలని కోరుకుంటున్నాను' అన్నారు.

Also Read: Thalapathy Vijay: తమన్ పై నమ్మకం...

Also Read: Anil Ravipudi: సంక్రాంతిలోపు ఒక్కొక్క సర్‌ప్రైజ్‌ చూస్తారు..