Samantha: అదే సక్సెస్‌ అనుకున్నా.. టార్గెట్‌ పెట్టుకున్నా.. కానీ

దాదాపు మూడేళ్లగా మయోసైటిస్‌ (Myositis) అనే అరుదైన వ్యాధితో బాధపడుతున్నారు సమంత (Samantha). చికిత్స తీసుకుంటూనే ఇటు సినిమాలు, అటు ప్రొడక్షన్‌ హౌస్‌ పనులు చూసుకుంటోంది.

దాదాపు మూడేళ్లగా మయోసైటిస్‌ (Myositis) అనే అరుదైన వ్యాధితో బాధపడుతున్నారు సమంత (Samantha). చికిత్స తీసుకుంటూనే ఇటు సినిమాలు, అటు ప్రొడక్షన్‌ హౌస్‌ పనులు చూసుకుంటోంది. అయితే మయోసైటిస్‌తో పోరాటం తనకెన్నో విషయాలు నేర్పిందని చెబుతున్నారామె. ఒకప్పటితో కంపేర్‌ చేస్తే ఇప్పుడు ఎన్నో విషయాల్లో తనలో మార్పు వచ్చిందన్నారు సామ్‌. ఇటీవల ఢిల్లీలో జరిగిన ఓ కార్యక్రమంలో పాల్గొన్న ఆమె మయోసైటిస్‌ వల్ల జీవితంలో దేనికి ఇంపార్టెన్‌ ఇవ్వాలో అర్థమైంది. దానితో చేసిన ఆ పోరాటం నన్ను ఎంతగానో మార్చేసింది. గతంలో విజయం అంటే గ్యాప్‌ లేకుండా సినిమాలు చేయడం అనుకునేదాన్ని. ఏడాదిలో నేను నటించిన ఐదు సినిమాలు విడుదలైన సందర్భాలున్నాయి. అదే సక్సెస్‌ అని నమ్మి మురిసిపోయేదాన్ని. వరుసగా సినిమాలు చేయాలి, పెద్ద బ్లాక్‌బస్టర్స్‌లో నటించాలి. టాప్‌ 10 నటీనటుల లిస్ట్‌లో ఉండాలి అని భావించేదాన్ని. బుర్రలో ఎప్పుడూ అదే ఆలోచన. కానీ ఇప్పుడు నా ఆలోచనల్లో మార్పు వచ్చింది. వివరం తెలిసింది. రెండేళ్లుగా నా సినిమాలు విడుదల కాలేదు, టాప్‌ 10 లిస్ట్‌లోనూ లేను. అలాగే నా దగ్గర రూ.1000 కోట్ల సినిమాలు అంతకన్నా లేవు. అయినా నేను ఇప్పుడు ఉన్నంతలో సంతోషంగానే ఉన్నా’ అని అన్నారు.

‘ఖుషి’ చిత్రం తర్వాత సమంత మరో చిత్రానికి సైన్‌ చేయలేదు. తన సొంత బ్యానర్‌లో ట్రాలాలా మూవింగ్‌ పిక్చర్స్‌ బ్యానర్‌లో వచ్చిన ‘శుభం’ చిత్రంలో గెస్ట్‌ రోల్‌ చేశారు. ప్రస్తుతం తన సొంత బ్యానర్‌లోనే ‘మా ఇంటి బంగారం’ చిత్రం మాత్రమే తన చేతిలో ఉంది. ఆ సినిమా షూటింగ్‌ అప్‌డేట్‌ ఏమీ లేదు.