Peddi: పెద్ది.. మ‌రో అప్డేట్! స్టైలిష్‌గా.. ఢిల్లీ షెడ్యూల్ పూర్తి

రామ్‌చరణ్ కథానాయకుడిగా బుచ్చిబాబు సానా దర్శకత్వంలో రూపుదిద్దుకుంటున్న పీరియాడిక్‌ యాక్షన్‌ డ్రామా ‘పెద్ది’ షూటింగ్‌ శరవేగంగా సాగుతోంది.

రామ్‌చరణ్ (Ram Charan) కథానాయకుడిగా బుచ్చిబాబు సానా (Buchi Babu Sana) దర్శకత్వంలో రూపుదిద్దుకుంటున్న పీరియాడిక్‌ యాక్షన్‌ డ్రామా ‘పెద్ది’ (Peddi ) షూటింగ్‌ శరవేగంగా సాగుతోంది. ఈ సినిమాకు సంబంధించిన అత్యంత కీలకమైన ఢిల్లీ షెడ్యూల్‌ను చిత్ర యూనిట్‌ పూర్తి చేసింది.

దేశ రాజధాని ఢిల్లీలోని ఎర్రకోట, పార్లమెంట్‌ వంటి ఐకానిక్‌ ప్రదేశాల్లో గత కొన్ని రోజులుగా షూటింగ్‌ నిర్వహించారు. ఈ షెడ్యూల్‌ ముగింపును ప్రకటిస్తూ సినిమాటోగ్రాఫర్‌ ఆర్‌. రత్నవేలు (R. Rathnavelu) ఆసక్తికర వ్యాఖ్యలు చేశారు. ‘ఢిల్లీ షెడ్యూల్‌ను స్టైలిష్‌గా పూర్తి చేశాం. అత్యంత భావోద్వేగ భరితమైన, కవితాత్మకమైన దృశ్యాలను ఇక్కడ చిత్రీకరించాం.

ఈ సన్నివేశాల్లో రామ్‌చరణ్‌ తన అద్భుతమైన నటనతో ఆకట్టుకున్నారు’ అని ఆయన పేర్కొన్నారు. ఈ సినిమాలో చరణ్‌ మునుపెన్నడూ చూడని మాస్‌ లుక్‌లో కనిపించనున్నారు. వృద్ది సినిమాస్‌ బేనర్‌పై వెంకట సతీశ్‌ కిలారు నిర్మిస్తున్న ఈ చిత్రంలో జాన్వీకపూర్ (Janhvi Kapoor) కథానాయిక. వచ్చే ఏడాది మార్చి 27న ‘పెద్ది’ ప్రేక్షకుల ముందుకు రానుంది.