Dude డ్రాగన్ కంటే.. నాలుగైదు రెట్లు ఎక్కువ కలెక్షన్స్ తో..
ABN, Publish Date - Oct 19 , 2025 | 12:10 PM
తెలుగు ప్రేక్షకులు తనపై చూపిస్తున్న అభిమానం, ప్రేమకు కృతజ్ఞతలు చెప్పారు నటుడు ప్రదీపు రంగనాథన్. ఆయన ఆ నటించిన తాజా చిత్రం 'డ్యూడ్' దీపావళి బ్లాస్ట్ గా నిలిచింది.
తెలుగు ప్రేక్షకులు తనపై చూపిస్తున్న అభిమానం, ప్రేమకు కృతజ్ఞతలు చెప్పారు నటుడు ప్రదీపు రంగనాథన్ (Pradeep Ranganathan). ఆయన ఆ నటించిన తాజా చిత్రం 'డ్యూడ్' (Dude) దీపావళి బ్లాస్ట్ గా నిలిచింది. మైత్రి మూవీ మేకర్స్ నిర్మించిన ఈ చిత్రంతో కీర్తిశ్వరన్ డైరెక్టర్ గా పరిచయం అయ్యారు. మమిత బైజు (Mamita baiju) నటించగా, శరత్ కుమార్ కీలక పాత్ర పోషించారు. అక్టోబర్ 17న విడుదలైన ఈ చిత్రం అద్భుతమైన రెస్పాన్స్ తో బ్లాక్ బస్టర్ సక్సెస్ అందుకొని హౌస్ ఫుల్ గా రన్ అవుతోంది. ఈ సందర్భంగా మేకర్స్ డ్యూడ్ సక్సెస్ మీట్ నిర్వహించారు.
ప్రదీప్ రంగనాథన్ మాట్లాడుతూ.. డ్యూడ్ ని ఇంత అద్భుతంగా రిసీవ్ చేసుకున్న ఆడియన్స్ కి కృతజ్ఞతలు. మీరందించిన ప్రేమ మర్చిపోలేనిది. డ్రాగన్ కంటే నాలుగైదు రెట్లు ఎక్కువ కలెక్షన్స్ డ్యూడ్ చేసిందని మా నిర్మాతలు చెప్తుంటే చాలా ఆనందంగా అనిపించింది. దీనికి కారణం మా నిర్మాతలు మైత్రి మూవీ మేకర్స్. తెలుగు లో అద్భుతంగా రిలీజ్ చేశారు. నన్ను యాక్సెప్ట్ చేసిన తెలుగు ఆడియన్స్ అందరికీ మనస్ఫూర్తిగా కృతజ్ఞతలు. లవ్ టుడే డ్రాగన్ సినిమాలకి చాలా అద్భుతమైన రెస్పాన్స్ ఇచ్చారు. ఇప్పుడు అంతకుమించిన ఆదరణ అభిమానం డ్యూడ్ సినిమాకి చూపించారు. తమిళనాడులో కూడా నా గత సినిమాలు కంటే ఎక్కువ రెస్పాన్స్ కలెక్షన్స్ డ్యూడ్ సినిమాకి వస్తున్నాయి.థియేటర్స్ లో ప్రేక్షకుల ఆనందం చూస్తుంటే చాలా జాయ్ ఫుల్ గా ఉంది' అని అన్నారు
నవీన్ యర్నేని మాట్లాడుతూ 'సినిమా విజయం పట్ల మాకు చాలా ఆనందంగా ఉంది. మాకు మంచి దీపావళి గిఫ్ట్ ఇచ్చినందుకు హీరో ప్రదీప్, డైరెక్టర్ కీర్తి, టీం అందరికీ కృతజ్ఞతలు. సినిమాకి ఎక్స్ట్రార్డినరీ రెస్పాన్స్ వస్తుంది. ప్రదీప్ గారి గత సినిమాలతో పోల్చుకుంటే కొన్ని ఏరియాల్లో నాలుగు ఐదు రెట్లు ఎక్కువ చేస్తోంది. ఫస్ట్ డే వరల్డ్ 22 కోట్ల గ్రాస్ కలెక్ట్ చేసింది. అన్ని చోట్ల నుంచి అద్భుతమైన నెంబర్స్ వస్తున్నాయి. ఇది దివాళి బిగ్ విన్నర్. కీర్తి అద్భుతమైన కథ రాసుకొని అద్భుతంగా చేశాడు. ప్రదీప్ గారు నెక్స్ట్ లెవెల్ కి తీసుకెళ్లారు' అన్నారు
వై రవిశంకర్ మాట్లాడుతూ 'జెన్జీకాన్సెప్ట్ లో ఫ్యామిలీ ఎమోషన్స్ బ్లెండ్ చేసి ఒక కొత్త జోనర్ ఫీలింగ్ ని క్రియేట్ చేసింది. పెళ్లి సీన్, బూమ్ బూమ్ సాంగ్, హీరో క్యారెక్టర్, శరత్ కుమార్ గారి కాక్టరైజేషన్, ఇంటర్వెల్, అద్భుతమైన సెకండ్ అన్నిటికీ ఆడియన్స్ హై ఫీల్ అవుతున్నారు. సినిమాలో 20 ఎక్స్ట్రార్డినరీ బ్లాక్స్ ఉన్నాయి. ఇంత అద్భుతమైన విజయాన్ని అందించిన ఆడియన్స్ కి కృతజ్ఞతలు. తమిళనాడు నైజాం ఆంధ్ర తెలంగాణ కర్ణాటక కేరళ ఓవర్సిస్ అన్ని చోట్ల ఇది సూపర్ డూపర్ హిట్' అని చెప్పారు.