Prabhas : ఒంటరిగా నిలబడే బెటాలియన్.. ఫౌజీ పోస్టర్ అదిరిపోయింది

పాన్ ఇండియా స్టార్ ప్రభాస్ (Prabhas) ప్రస్తుతం వరుస సినిమాలతో బిజీగా ఉన్న విషయం తెల్సిందే. వచ్చే సంక్రాంతికి ది రాజాసాబ్ రిలీజ్ కు సిద్ధమవుతుండగా.. స్పిరిట్ పూజా కార్యక్రమాలను పూర్తిచేసుకోవడానికి రెడీ అవుతుంది

Prabhas : పాన్ ఇండియా స్టార్ ప్రభాస్ (Prabhas) ప్రస్తుతం వరుస సినిమాలతో బిజీగా ఉన్న విషయం తెల్సిందే. వచ్చే సంక్రాంతికి ది రాజాసాబ్ రిలీజ్ కు సిద్ధమవుతుండగా.. స్పిరిట్ పూజా కార్యక్రమాలను పూర్తిచేసుకోవడానికి రెడీ అవుతుంది. ఈ రెండు సినిమాలు కాకుండా హను రాఘవపూడి దర్శకత్వంలో ప్రభాస్ నటిస్తున్న చిత్రం పూజా కార్యక్రమాలను పూర్తి చేసుకొని షూటింగ్ జరుపుకుంటుంది. ఈ సినిమాకు ఫౌజీ అనే టైటిల్ ని ఖరారు చేసినట్లు టాక్ నడుస్తోంది. ఇక ఈ సినిమాలో సోషల్ మీడియా సెన్సేషన్ ఇమాన్వి నటిస్తుండగా.. అనుపమ్ ఖేర్, మిథున్ చక్రవర్తి కీలక పాత్రల్లో నటిస్తున్నారు.

ఇప్పటివరకు పూజా కార్యక్రమాలకు సంబంధించిన ఫోటోలు షేర్ చేయడం తప్ప మేకర్స్ ఈ సినిమా గురించి ఒక్క అప్డేట్ ఇచ్చింది లేదు. నేడు దీపావళీ కానుకగా మేకర్స్ ఒక పోస్టర్ ను రిలీజ్ చేసి అభిమానులకు పండగ శుభాకాంక్షలు తెలిపారు. పోస్టర్ ఆద్యంతం ఆకట్టుకుంటుంది. మొదటి నుంచి ఈ సినిమాలో ప్రభాస్ ఆర్మీ ఆఫీసర్ గా నటిస్తున్నాడు అంటూ వస్తున్న వార్తలను నిజం చేస్తూ.. యుద్ధ భూమిలో బెటాలియన్ లా నిలబడిన ప్రభాస్ నీడను చూపించారు.

గన్స్ తో నిండిపోయిన ఈ పోస్టర్ అదిరిపోయింది. వెనుక బ్యాక్ గ్రౌండ్ లో సంస్కృతంలో శ్లోకాలను రాసినట్లు తెలుస్తోంది. పద్మవ్యూహాన్ని ఛేదించే అర్జునిడిలా ప్రభాస్ కనిపించాడు. ఇక అక్టోబర్ 22 న ఒక క్రేజీ అప్డేట్ రానుందని మేకర్స్ తెలిపారు. టైటిల్ అనౌన్స్ మెంట్ అయ్యిఉంటుందని అభిమానులు చెప్పుకొస్తున్నారు. మరి ప్రభాస్ బర్త్ డేకి మేకర్స్ ఎలాంటి ట్రీట్ ఇవ్వనున్నారో చూడాలి.