Nuvvu Naku Nachavu: ‘నువ్వు నాకు నచ్చావు’ రీ రిలీజ్.. ఎప్పుడంటే..
ABN, Publish Date - Nov 29 , 2025 | 06:07 PM
ప్రస్తుతం రీ-రిలీజ్ల ట్రెండ్ బాగా నడుస్తోంది. కొన్నేళ్ల క్రితం వచ్చిన సినిమాలు కూడా ఇప్పుడు ప్రేక్షకుల ముందుకొచ్చి కలెక్షన్ల వర్షం కురిపిస్తున్నాయి.
ప్రస్తుతం రీ-రిలీజ్ల ట్రెండ్ బాగా నడుస్తోంది. కొన్నేళ్ల క్రితం వచ్చిన సినిమాలు కూడా ఇప్పుడు ప్రేక్షకుల ముందుకొచ్చి కలెక్షన్ల వర్షం కురిపిస్తున్నాయి. ఇప్పుడు మరో ఫ్యామిలీ ఎంటర్టైనర్ రీ రిలీజ్ కానుంది. తెలుగు ప్రేక్షకుల హృదయాల్లో చక్కని కుటుంబ కథా చిత్రంగా నిలిచిపోయిన ‘నువ్వు నాకు నచ్చావు’ (Nuvvu Naku Nachavu) కొత్త హంగులతో మళ్లీ ప్రేక్షకుల ముందుకు రానుంది. ఆధునిక టెక్నాలజీతో 4కె వెర్షన్లో జనవరి 1న థియేటర్లతో సందడి చేయనుంది.
ఇది కేవలం రీ-రిలీజ్ కాదు వెంకటేష్(Venkatesh), త్రివిక్రమ్ (Trivikram) అభిమానులు కోసం ఓ పండుగ అంటున్నారు మేకర్స్. జనవరి 1, 2026 కొత్త సంవత్సరాన్ని ప్రారంభించడానికి కుటుంబంతో కలిసి నవ్వులు పూయించే, హృదయాన్ని తాకే సినిమా చూడటానికి ఇదే సరైన సమయం అని చెబుతున్నారు. ఈ సినిమా మొదట విడుదల కాలేకపోయిన ఆస్ట్రేలియా, యూరప్, యుకె వంటి దేశాల్లో ఇప్పుడు ప్రపంచవ్యాప్తంగా థియేటర్లలో విడుదల కానుంది. త్రివిక్రమ్ రాసిన కథను విజయభాస్కర్ తన శాంతమైన స్వభావంతో ఈ కథను సినిమాగా మలిచారు. స్రవంతి రవికిషోర్ నిర్మించిన ఈ చిత్రానికి కోటి సంగీతం అందించారు. వెంకటేశ్ సరసన ఆర్తి అగర్వాల్ నటించగా ప్రకాశ్రాజు, సుధ, సునీల్, పింకి, ఆషాషైని, పృథ్వీ కీలక పాత్రలు పోషించారు.