Nenu Ready Telugu Movie: కావాల్సినంత వినోదం

హవీష్‌, కావ్య థాపర్‌ జంటగా నక్కిన త్రినాధరావు దర్శకత్వంలో తెరకెక్కుతోన్న కుటుంబ కథా చిత్రం నేను రెడీ. హార్నిక్స్‌ ఇండియా ఎల్‌ఎల్‌పీ బేనర్‌పై నిఖిల కోనేరు నిర్మిస్తున్నారు.

హవీష్‌, కావ్య థాపర్‌ జంటగా నక్కిన త్రినాధరావు దర్శకత్వంలో తెరకెక్కుతోన్న కుటుంబ కథా చిత్రం ‘నేను రెడీ’. హార్నిక్స్‌ ఇండియా ఎల్‌ఎల్‌పీ బేనర్‌పై నిఖిల కోనేరు నిర్మిస్తున్నారు. తాజాగా ఈ చిత్రానికి సంబంధించిన టైటిల్‌, గ్లింప్స్‌ను చిత్రబృందం విడుదల చేసింది. హీరో హవీష్‌ మాట్లాడుతూ ‘త్రినాధరావు అన్ని సినిమాల్లో కంటే ఇది బెస్ట్‌ స్ర్కిప్ట్‌ అవుతుంది. మిక్కీ మ్యూజిక్‌, నిజార్‌ విజువల్స్‌ అద్భుతంగా ఉంటాయి’ అని అన్నారు. హీరోయిన్‌ కావ్య థాపర్‌ మాట్లాడుతూ ‘ఈ రోజు మేము చూపించింది చిన్న గ్లింప్స్‌ మాత్రమే. సినిమాలో మీకు కావాల్సినంత వినోదం ఉంది. అన్ని వర్గాల ప్రేక్షకుల్ని ఆకట్టుకునే చిత్రమిది’ అని అన్నారు. చిత్రదర్శకుడు త్రినాధరావు మాట్లాడుతూ ‘అప్పట్లో ‘పెళ్లిసందడి’ సినిమాలో ఇండస్ట్రీలోని హాస్య నటులంతా నటించారని విన్నాం. ఈ సినిమా కూడా ఫ్రేమ్‌ నిండా ఆర్టిస్టులతో కళకళగా ఉంటుంది’ అని అన్నారు. నిర్మాత నిఖిల కోనేరు మాట్లాడుతూ ‘నా మొదటి చిత్రాన్ని త్రినాధరావు లాంటి పెద్ద దర్శకుడితో తీయడం చాలా ఆనందంగా ఉంది’ అని అన్నారు.