Manipulator: 'మ్యానిప్యూలేటర్' ఎవరు..
ABN, Publish Date - Aug 12 , 2025 | 08:40 PM
'ఏ స్టార్ ఈజ్ బార్న్' సినిమా టైటిల్ మార్చి ఇప్పుడు 'మ్యానిప్యూలేటర్'గా ప్రేక్షకుల ముందుకు రాబోతోంది. ఈ సినిమా ఫస్ట్ లుక్ పోస్టర్ ను ప్రముఖ దర్శకులు బి.గోపాల్ఆ విష్కరించారు.
'ఏ స్టార్ ఈజ్ బార్న్' సినిమా టైటిల్ మార్చి ఇప్పుడు 'మ్యానిప్యూలేటర్' (manipulator) గా ప్రేక్షకుల ముందుకు రాబోతోంది. ఈ సినిమా ఫస్ట్ లుక్ పోస్టర్ ను ప్రముఖ దర్శకులు బి.గోపాల్ (B gopal) ఆవిష్కరించారు. వీజే సాగర్ (VJ Sagar) కథ, కథనం, మాటలు, దర్శకత్వం అందిస్తున్న ఈ సినిమాకు సి.రవి సాగర్ , వి జె సాగర్ నిర్మిస్తున్నారు. కళ్యాణ్, ప్రియా పాల్, సోఫియా ఖాన్, ఊహ రెడ్డి లను తెలుగు తెరకు పరిచయం చేస్తూన్నారు. క్యారేక్టర్ ఓరియంటెడ్ కాన్సెప్ట్ తో పక్కా కల్ట్ కమర్షియల్‌ ఎంటర్టైన్మెంట్ సినిమాగా రాబోతుంది.
ప్రస్తుతం ఉన్న యంగ్ స్టర్స్ లైఫ్ స్టైల్ ను కళ్ళకు కట్టినట్లు దర్శకుడు విజే సాగర్ మ్యానిప్యూలేటర్ సినిమాలో చూపించడం జరిగిందని నిర్మాతలు చెప్పారు. ఈ సినిమాతో 43 మంది కొత్త నటీనటులు పరిచయం చేయడం విశేషం. ప్రముఖ సంగీత దర్శకుడు సునీల్ కశ్యప్ సంగీతం అందిస్తున్నారు. ఈ సినిమాలో మొత్తం 5 డిఫరెంట్ సాంగ్స్ ఉన్నాయి, తనికెళ్ళ శంకర్, వరికుప్పల యాదగిరి, విశ్వనాథ్ ఈ సినిమా కోసం సాహిత్యం అందించారు. త్వరలో ఈ చిత్ర ఆడియో లాంచ్ కార్యక్రమం నిర్వహించి, విడుదలకి సిద్ధమవుతుంది.
బి.గోపాల్ మాట్లాడుతూ 'మ్యానిప్యూలేటర్ టైటిల్ యువతకు కనెక్ట్ అయ్యే లా ఉంది.ఈ సినిమా విజయం సాధించి చిత్ర యూనిట్ సభ్యులందరికి మంచి పేరు రావాలని కోరుకుంటున్నాను' అన్నారు.