Manchu Lakshmi: నాకోసం ఎవరూ రారని తెలిసే.. నేనే పోరాటం చేశా..

మోహన్‌బాబు కూతురు, నటి మంచు లక్ష్మీకి (Manchu Lakshmi) ఓ వెబ్‌ మీడియాలో పని చేస్తున్న సీనియర్‌ జర్నలిస్ట్‌ వేదుల మూర్తి క్షమాపణ చెప్పారు.

మోహన్‌బాబు కూతురు, నటి మంచు లక్ష్మీకి (Manchu Lakshmi) ఓ వెబ్‌ మీడియాలో పని చేస్తున్న సీనియర్‌ జర్నలిస్ట్‌ వేదుల మూర్తి క్షమాపణ చెప్పారు. ఆ వ్యక్తి తనకు క్షమాపణ చెప్పడానికి మూడు వారాలు సమయం పట్టిందని మంచు లక్ష్మీ కాస్త అసహనం వ్యక్తం చేశారు. తన సినిమా దక్ష ప్రమోషన్‌లో భాగంగా మూర్తి అనే యాంకర్‌ లక్ష్మీని ఇంటర్వ్యూ చేయగా ఆమె ధరించే దుస్తుల గురించి ఓ ప్రశ్న అడగగా ఆమె మనసు నోచ్చుకుంది. దాంతో ఆమె 'మా’ అసోసియేషన్‌, ఫిల్మ్‌ ఛాంబర్‌ను ఆశ్రయింది సదరు జర్నలిస్ట్‌ క్షమాపణ చెప్పాలని డిమాండ్‌ చేసింది. దాంతో మూడు వారాల తర్వాత లక్ష్మీని క్షమాపణ కోరుతూ మూర్తి ఓ లేఖ, వీడియో విడుదల చేశారు. దీనిపై మంచు లక్ష్మీ స్పందించారు. 'ఆ వ్యక్తి క్షమాఫణ చెప్పడానికి మూడు వారాలు పట్టింది. ఈసారి నేను మౌనంగా ఉండాలనుకోలేదు. నా తరఫున ఎవరూ నిలబడరని నాకు తెలుసు. అందుకే నాకోసం నేనే పోరాటం చేశా.   ఈ చేదు అనుభవం నన్ను ఎంతగానో గాయపరచింది. నాకు కావల్సింది నిజాయతీ గల క్షమాపణ, జవాబుదారీతనం’ అని పేర్కొన్నారు మంచు లక్ష్మీ. (murthy Apology to Manchu lakshmi)

'ఇలాంటి చిన్న చిన్న విషయాలే ఆడవాళ్ల గొంతు మూగబోకుండా కాపాడతాయి. నాకంటే ముందు ధైర్యంగా మాట్లాడిన ఆడవాళ్ల వరుసలో నేను నిలబడి ఉన్నా అదే నాకు ఈరోజు ధైర్యాన్ని ఇచ్చింది. పత్రికా రంగం, జర్నలిస్ట్‌లపై నాకు గౌరవం ఉంది. ప్రజలకు నిజం చెప్పడానికి తమ ప్రాణాల్ని సైతం ఫణంగా పెడతారు. ఈ సమాజానికి వెలుగునిచ్చే దీపాల్లాంటివారు. కానీ ఆ శక్తిని అవసరమైన చోట కాకుండా వ్యక్తిగత దాడుల కోసం ఉపయోగించినప్పుడు ఎంతో బాధ కలుగుతుంది. నేను ఈ విషయాన్ని ఇంతటితో ప్రశాంతంగా ముగిస్తున్నా’ అని సోషల్‌ మీడియాలో పోస్ట్‌ చేశారు.