Manchu Vishnu: మంచు విష్ణుపై అసంతృప్తి.. మా ఎన్నికలు జరపాల్సిందే
ABN, Publish Date - Nov 30 , 2025 | 06:56 AM
శనివారం ‘మా’ (మూవీ ఆర్టిస్ట్‌ అసోసియేషన్‌) జనరల్‌ బాడీ మీటింగ్ శనివారం జరిగింది.
శనివారం ‘మా’ (మూవీ ఆర్టిస్ట్‌ అసోసియేషన్‌) జనరల్‌ బాడీ మీటింగ్ జరిగింది. నాలుగేండ్లుగా మా అధ్య‌క్షుడిగా మంచు విష్ణు (Manchu Vishnu) కొన‌సాగుతున్నాడు. గ‌త సంవ‌త్స‌ర‌మే ప‌ద‌వీ కాలం ముగిసిన‌ప్ప‌టికీ మా భ‌వ‌నం నిర్మించే వ‌ర‌కు ఆయ‌నే అధ్య‌కుడిగా కొన‌సాగుతాడంటూ తీర్మానం కూడా చేశారు.
అయితే ఇప్ప‌టివ‌ర‌కు ఆ భ‌వ‌న నిర్మాణంపై ఎలాంటి అప్డేట్ లేదు.. ఈ క్ర‌మంలోనే తాజాగా నిర్వ‌హించిన స‌మావేశంలోభ‌వ‌న నిర్మాణం ఎంత‌వ‌ర‌కు వ‌చ్చింది, మా ఎన్నికలు నిర్వ‌హించాలంటూ వాడీవేడీ చ‌ర్చ జ‌రిగిన‌ట్టు సమాచారం. ప‌లువురు మంచు విష్ణు, అండ్ టీంపై అసంతృప్తి వ్య‌క్తం చేయ‌డంతో పాటు త‌క్ష‌ణ‌మే మా ఎన్నికలు ( MAA Elections ) జరపాలని కోరిన‌ట్లు తెలిసింది.
కాగా.. ఈ సమావేశంలో కొన్ని కీలక విషయాలను చర్చించినట్లు టాక్‌. వచ్చే ఏడాది ఏప్రిల్‌లో జరిగే జనరల్‌ బాడీ మీటింగ్‌లో ఆర్ధిక లావాదేవీలు అన్నింటినీ పరిశీలిస్తారట. మేలో ఎన్నికలు నిర్వహించాలని సన్నాహాలు చేస్తున్నారని,. ఏకగ్రీవంగా అధ్యక్షుడిని ఎన్నుకుంటారని సమాచారం.
ఎవరైనా అగ్ర హీరో కార్యనిర్వాహణ బాధ్యతలు తీసుకోవడానికి ముందుకువస్తే ఆ వ్యక్తిని ‘మా’ ప్రెసిడెంట్‌గా ఎంచుకోవడానికి సిద్ధంగా ఉన్నట్లు సమాచారం. ఇదిలాఉంటే.. గ‌త అనుభ‌వాల నేప‌థ్యంలో ఎవరైనా పెద్ద హీరోలు ముందఉకు వ‌స్తారా అనేది ప్ర‌శ్నార్ధ‌కంగానే ఉంది.