Andhra King Taluka: చిన్ని గుండెలో సాంగ్.. కెమిస్ట్రీ మాత్రం అదిరిపోయింది

రామ్ పోతినేని (Ram Pothineni), భాగ్యశ్రీ బోర్సే (Bhagyashri Borse) జంటగా మహేష్ బాబు పి దర్శకత్వంలో తెరకెక్కిన చిత్రం ఆంధ్రా కింగ్ తాలుకా (Andhra King Taluka).

Andhra King Taluka: రామ్ పోతినేని (Ram Pothineni), భాగ్యశ్రీ బోర్సే (Bhagyashri Borse) జంటగా మహేష్ బాబు పి దర్శకత్వంలో తెరకెక్కిన చిత్రం ఆంధ్రా కింగ్ తాలుకా (Andhra King Taluka). మైత్రీ మూవీ మేకర్స్ నిర్మిస్తున్న ఈ సినిమాలో ఉపేంద్ర కీలక పాత్రలో నటిస్తున్నాడు. ఇప్పటికే ఈ చిత్రం నుంచి రిలీజైన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకున్నాయి. నవంబర్ 28 న ఈ సినిమా ప్రేక్షకుల ముందుకు రానుంది. రిలీజ్ డేట్ దగ్గరపడుతుండగా ప్రమోషన్స్ మొదలుపెట్టిన మేకర్స్ సినిమా నుంచి లిరికల్ సాంగ్స్ రిలీజ్ చేస్తూ వస్తున్నారు.

తాజాగా ఈ చిత్రం నుంచి చిన్ని గుండెల్లోనా అంటూ సాగే సాంగ్ ను మేకర్స్ రిలీజ్ చేశారు. సాంగ్ ఆద్యంతం ఆకట్టుకుంటుంది. మొదటి నుంచి కూడా రామ్ - భాగ్యశ్రీ జంట మధ్య కెమిస్ట్రీ బాగా వర్క్ అవుట్ అవుతుందని కామెంట్స్ వినిపించాయి. అంతేనా బయట కూడా వీరు ప్రేమలో ఉన్నారనే పుకార్లు ఉన్నాయి. తాజాగా ఈ సాంగ్ లో నిజంగానే వీరిద్దరూ నటిస్తున్నారు అన్న విషయం కూడా మర్చిపోయేలా కనిపించారు.

రంగు రంగు తారలన్ని తొంగి తొంగి ఒక్కసారి చూస్తున్నాయేంటిలా.. పైన లేని వెన్నెలంత నేల మీదకొచ్చినట్లు నువ్వుంటే చూడవా అంటూ సాగిన లిరిక్స్ ను కృష్ణకాంత్ రాయగా.. మెర్విన్ సోలమన్, సత్య యామిని తమ అద్భుతమైన వాయిస్ తో అదరగొట్టేశారు. ఇక సాంగ్ బ్యాక్ గ్రౌండ్ మాత్రం నెక్స్ట్ లెవెల్. వెన్నెల్లో ఇద్దరు ప్రేమికులు కబుర్లు చెప్పుకుంటున్నట్లే కనిపించింది. రామ్ వేసింది చిన్న స్టెప్ అయినా కూడా ఎంతో స్టైలిష్ గా ఉంది. మొత్తానికి సాంగ్ అదిరిపోయింది. చాలా ఫ్రెష్ గా అనిపించింది. సాంగ్స్ తోనే సినిమాపై హైప్ పెంచుతున్నారు. మరి ఈ సినిమాతో రామ్ ఎలాంటి విజయాన్ని అందుకుంటాడు అనేది చూడాలి.