Vivek Mervin: 'ఆంధ్ర కింగ్‌ తాలూకా’ సినిమాలోని.. మూడు పాట‌లు ఇంకా రిలీజ్ చేయ‌లేదు

ఆంధ్ర కింగ్‌ తాలూకా’ చిత్రం కోసం మేము కంపోజ్‌ చేసిన ట్యూన్‌కు తగినట్లు రామ్‌ ‘నువ్వుంటే చాలు’ అనే అద్భుతమైన పాట రాశార‌ని సంగీత దర్శకులు వివేక్, మెర్విన్ తెలిపారు.

‘ఆంధ్ర కింగ్‌ తాలూకా’ (Andhra King Taluka) చిత్రం కోసం మేము కంపోజ్‌ చేసిన ట్యూన్‌కు తగినట్లు రామ్‌ ‘నువ్వుంటే చాలు’ అనే అద్భుతమైన పాట రాశారు. సంగీత దర్శకులుగా మమ్మల్ని తెలుగు ప్రేక్షకులకు చేరువ చేసిన ఆ పాటతో మాకు ఒక ఆత్మీయ అనుబంధం ఏర్పడింది’ అని వివేక్ (Vivek Mervin) మెర్విన్‌ (Mervin Solomon) చెప్పారు. మహేశ్‌ బాబు పి. (Mahesh Babu) దర్శకత్వంలో రామ్ (Ram Pothineni) కథానాయకుడిగా నటించిన ‘ఆంధ్ర కింగ్‌ తాలూకా’ చిత్రం నేడు విడుదలవుతోంది.

ఈ సందర్భంగా సంగీత దర్శకులు వివేక్‌, మెర్విన్‌ సినిమా విశేషాలను మీడియాతో పంచుకున్నారు. ‘తమిళంలో సంగీత దర్శకులుగా ఇరవై చిత్రాలకు పనిచేశాం. ‘ఆంధ కింగ్‌ తాలూకా’ తెలుగులో మాకు మొదటి సినిమా. హీరో రామ్‌ గారు పిలిచి అవకాశమివ్వడంతో ఈ సినిమాకు సంగీత దర్శకులుగా పనిచేశాం. ఇందులో ప్రతి పాటా విజువల్‌గా స్టన్నింగ్‌గా ఉంటుంది’ అని వివేక్‌ చెప్పారు.

‘ఈ చిత్రం నుంచి నాలుగు పాటలను విడుదల చేశాం. అన్నింటికీ ప్రేక్షకుల నుంచి మంచి స్పందన వచ్చింది. కథలో కీలకమైన మూడు పాటలను సినిమా రిలీజయ్యాక విడుదల చేస్తాం. ప్రేక్షకులు ఈ పాటలన్నింటినీ థియేటర్లలో ఎంజాయ్‌ చేస్తారు. నేపథ్య సంగీతం ప్రేక్షకులకు కొత్త అనుభూతిని ఇస్తుంది’ అని మెర్విన్‌ తెలిపారు.